Qoç - bu gün əhvalınız yaxşı olacaq. Çətinliklər yaransa - onlardan çəkinməyin. Gün uğurlu alınmasa da, təslim olmayın. Mənfi təsirlərlə mübarizə aparın, onları üstələyin.

Həmfikir və müttəfiqlər tapa bilərsiniz. Həmin adamların indiyədək sizdə qıcıq yaradan şəxslər olması da mümkündür.

Əvvəlki dövrlərdən fərqli olaraq, insanlar həyatınıza daha fəal müdaxilə etməyə çalışırlar.
Problemlərinizlə təkbaşına qalmayın, faydalı məsləhətlər almağa çalışın.

Günün ikinci yarısında ehtiyatlı olun. Kiçik travma və zədələr istisna deyil.

Buğa - sevdiyiniz insanlara bu gün qayğı göstərə bilərsiniz. Onları sevindirəndə siz də sevinəcəksiniz. Ailə məsələləri ilə məşğul olun, məişət qayğılarını unutmayın.
Ən kiçik məsələləri şövqlə çözməyə can atın.

Bu gün qonaq qəbul edəcəksiniz.
Axşam saatlarını dostlarla birlikdə yaxşıca, istirahət edərək keçirin.

Ətrafınızdakı insanların qayğıları, problemləri ilə maraqlanın. Qurban verməyin. Maraqlarınızın müdafiəsi üçün elə taktika seçin ki, yanınızdakı adamlara ziyan dəyməsin.

Əkizlər - bu gün köhnə dostlar və tanışlar sizə problemlərin öhdəsindən gəlməyə kömək edəcəklər. Səmimi olun, təlaş və hisslərinizi gizlətməyin.

Yardımını gözlədiyiniz adamlarla nə qədər səmimi olsanız, alacağınız dəstək vaxtında və effektiv olacaq.
Əks cinsin mənsubu sizə yardım üçün üz tutacaq.

Bu gün problemlər yaransa, onların səbəbi izafi nikbinliyiniz və imkanlarınızı olduğundan artıq dəyərləndirməyiniz olacaq.
Yaşanan hadisələri, ətrafdakı şəraiti real dəyərləndirin. Belə olarsa, pərişan qalmaz, təəssüflənməzsiniz.

İşgüzar səfərlər məhsuldar olmayacaq.
Axşam saatlarında romantik görüş istisna deyil.

Xərçəng - başqalarının problemlərinə sakit və rəvan yanaşsanız, bu gün sakit keçəcək. Fəqət başqaları üçün uğur və rəvanlıq istəsəniz, sizi gərgin mübarizə və çətinliklər gözləyir.

Tərəfdaşlar və yaxınlarınız sizi tək qoymayacaqlar.

Lakin az sonra anlayacaqsınız ki, heç də bütün dostlar, tanışlar mövqelərinizi bölüşmürlər. Bütün bunlar ciddi münaqişələrə səbəb olmasa da, əlaqələr sərinləyəcək, sizdə pərişanlıq və laqeydlik hissləri yaradacaq.

Şir - ən maraqlı hadisələr günün ikinci yarısında başlanacaq. Lakin həmin vaxta qədər artıq darıxacaq, kiminsə əhvalını pozacaqsınız. Aktiv və məqsədyönlü fəaliyyət istəyirsiniz. Vaxtınızı o qədər də rəğbət bəsləmədiyiniz adamlarla keçirirsiniz.

Saatlar keçdikcə vəziyyət dəyişməyə başlayacaq. İstifadə edə biləcəyiniz, qarşınızda yeni perspektivlər açan informasiya alacaqsınız. Tərəfdaşlarınız sizinlə uzunmüddətli əməkdaşlıq istəyəcəklər. Sərfəli şərtlərə nail olmağa çalışın.

Axşam saatlarında ziyafət və ya qonaqlıq istisna olunmur.

İmkanlardan maksimum istifadə edin.

Qız - bu gün ağıllı, səbrli və bir qədər hiyləgər olsanız, bədxahlarınızın sizə qurduqları tələləri görərək onlardan qurtula bilərsiniz. İstənilən bicliyə öz açıqlığınızın və şəffaflığınızı qarşı qoyun. Məhz belə davransanız, sizə arxadan zərbə vurmaq istəyənlərin öhdəsindən gələ bilərsiniz.

Bu gün konkret məqsədlərə çatmaq, hədəflərə yetmək üçün xəyalınızı işə salın. Nə istədiyinizi dəqiqləşdirin və məhz həmin məqsədə çatmağa səy göstərin. İzafi, gərəksiz zəhmət çəkməyin.
Günün ikinci yarısında köhnə tanışlardan xoş xəbərlər ala bilərsiniz

Tərəzi - gün ərzində təmkinli və səbrli davranmaq çətin olsa da, bunu edin.

Yaxın ətrafınızdakı insanlara soyuqqanlı olduğunuzu nə qədər çox nümayiş etdirməyə çalışsanız, onlar sizi bir o qədər hirsləndirməyə, qıcıqlandırmağa çalışacaqlar.

Bütün bunlar bilərəkdən, qəsdən edilən təxribat olmaya da bilər. Mümkündür ki, yaxınlığındakı "enerji vampir"i sizin emosiyalarla qidalanmaq istəyir. Bu adamın kim olduğunu müəyyənləşdirin və onu özünüzdən mümkün qədər kənarlaşdırın.

Xəyalınızı, fantaziyanızı, təxəyyülünüzü işə salın və problemləri həll edin. Problemləri çözməklə yanaşı, arxanızca qapını möhkəm bağlayın ki, çətinliklər sizi haqlamasın.

Əqrəb - bu gün fikriniz dağınıq olmasın, huşyar davranmayın, yoxsa ciddi problemlərlə qarşılaşa bilərsiniz. Görmək istədiyiniz, reallaşdırmağa hazırlaşdığınız planları dəqiq yerinə yetirin.

Kommersiya və bizneslə məşğul olanlar üçün çox çətin gündür. Əsla gözləmədiyiniz zərbəni ala bilərsiniz.

İş yerində həmkarlarınızın, iş yoldaşlarınızın intriqaları istisna deyil.
Peşəkar fəallığınızı bir qədər azaldın, fikrinizi şəxsi həyatınıza yönəldin. Bu sahədə vəziyyət daha uyğun və məqbuldur.

Ciddi dəyişikliklərə nail ola bilərsiniz.

Oxatan - çoxdan bəri sizi narahat edən problemləri bu gün çözə bilərsiniz. Əvvəllər ehtimal etmədiyiniz kompromiss variantı ilə bağlı ehtimallar var.

Qeyri-standart həllər, əvvəllər bədxahlarınızı dəstəkləyən adamları tərəfinizə çəkmək üçün əlverişli gündür.

Baş verən hadisələrin pərədə arxzasında qalan motivləri və məğzini anlaya biləcəksiniz. Bununla belə, həddən artıq sərt və gərgin olmayın. Əks təqdirdə yaxın ətrafınızdakı insanlar sizi anlamağa çətinlik çəkəcəklər.

Etibar etdiyiniz dostların məsləhətlərinə qulaq asın.

Oğlaq - peşəkar sahədə böyük uğurlar qazana bilərsiniz. Prioritetləri düzgün müəyyənləşdirsəniz sizi kimsə yolunuzdan sapdıra bilməz.

Əzm və şövqlə çalışsanız, qısa müddətdə bir sıra problemləri həll edə bilərsiniz. Yeni, proqressiv metodlardan istifadə edin, məqsədə çatmağa çalışın.
Texnika almaq, yeni avadanlıqlarla tanış olmaq üçün uğurlu gündür.

Günün böyük hissəsi danışıqlar və aktual məsələlərin müzakirəsində keçəcək.
Həyatınızda baş verənlərə indiyədək laqeyd qalan adamlar bu gün işlərinizə qarışmağa çalışacaqlar.

Onları özünüzə tərəfdaş və ya mütttəfiq saymayın, həmin adamların davranış və hərəkətlərinə diqqətlə baxın.

Axşam saatlarında sərvaxtlığı əldən verməyin.

Dolça - bu gün həyacan və gərginlik sizi qarabaqara izləyəcək. Ətrafınızda baş verələri ürəyinizə salmayın, başqasının acısını öz ağrınız saymayın. Əks təqdirdə emosional baxımdan yorulacaq, heydən düşəcəksiniz.

İstirahət etmək, qüvvələri bərpa etmək alınmayacaq. Ona görə də məşğul olduğunuz işə bütün diqqətinizi yönəldin.
İşlə bağlı problemlər bu gün sizin əsəb və emosiyalarınızı qoruyacaq.

Dövlət qurumları, hakimiyyət orqanlarının nümayəndələri ilə təmaslar və əlaqələr məsləhət deyil. Sənədləşdirmə işlərində problemlər yarana bilər. Maliyyə çətinlikləri istisna deyil.
Yaradıcılıqla məşğul olanlar isə tam əksinə, işlərinin rəvan getdiyini hiss edəcəklər.

Balıqlar - bu gün hissiyatınızın sayəsində situasiyanı doğru qiymətləndirərək, baş verənlərin məziyyətlərini hiss edə, faktları doğru dəyərləndirə bilərsiniz. Emosiyalarınız sizi idarə etməsin.
Hərəkətləriniz və qərarlarınız təhtəhşüur səviyyəsində dəyərləndirilir.

Yaşananlar barədə dərindən düşünməsəniz də, yanlış qərarlardan xali olmağa çalışın. İşgüzar münasibətlərdə və təmaslarda ehtiyatlı olun.

Əks cinsin mənsubları sizi asanlıqla aldada bilərlər. Aldanmayın.

Günün ikinci yarısında maliyyə və ya əmlakla bağlı problemlər yarana bilər. Əşyalarınızı diqqətdən kənarda qoymayın. Pul və ya mühüm sənədlərinizi oğurlaya bilərlər.
Axşam saatlarında bir qədər dincəlməyə çalışın.