Qoç - bu gün baş verən hadisələrin hamısına təmkinlə yanaşın və səhvlərə yol verməyin. Narahat olmağa, təlaşa düşməyə bir səbəb yoxdur. Çünki məqsədinizə çatmağa az qalıb və sizə kimsə mane ola bilməz.
Son vaxtlar münaqişədə olduğunuz insanlarla münasibətləriniz normallaşmağa başlayıb. Lakin tam anlaşmaya hələ çox var.
Sizə xoş olmayan mövzunu yaxınlarınızla müzakirə etməyə hazır olun. Bir çox qaranlıq məqamlara aydınlıq gətirmək vaxtı çatıb. Yumor hissini unutmayın.
Buğa - bu gün həyatınızda ciddi dəyişikliklər baş verə bilər. Alışdığınız, öyrəşdiyiniz kimdənsə və ya nədənsə imtina etməli olacaqsınız. Fəqət, baş verənlərdə fayda əldə etmək mümkündür və buna can atın.
Karyera inkişafınız və gəlirlərinizin artmasına səbəb ola biləcək ideyalar peyda ola bilər.
Bu gün çoxsaylı təmaslar, planlaşdırılmamış görüşlər olacaq. Gözlənilməz vizitlər istisna deyil. Son vaxtlar darıxdığınız insan sizlə əlaqə saxlayacaq. Sizdən yaşlı qohumların məsləhətlərinə diqqət verin.
Əkizlər - çox uğurlu gündür. Tanıdığınız, bələd olduğunuz insanlarla əlaqə saxlayacaqsınız. Onların yanında üzüqara qalmayacaqsınız. Təkbaşına, tənha iş məhsuldardır, amma belə çalışmaq əhval-ruhiyyənizə pis təsir edəcək.
Darıxacaqsınız.
Əlverişli anlaşmalara nail olmağınız, gəlir əldə etməyiniz istisna deyil.
Alış-verişdə bədxərc olmayın, israfçılıq etməyin.
İndiyədək dost olduğunuz insanla romantik münasibətlərin başlanması istisna deyil.
Xərçəng - bu gün hətta ən kiçik güzəştlərə belə, getmək istəməyəcəksiniz. Qətiyyət və inadınız yaxın ətrafınızdakı insanlara müsbət təsir edəcək. Lakin bu məziyyətlərinizdən öz xeyri üçün sui-istifadə etmək istəyənlər də tapılacaq. Başqalarının məqsədini reallaşdırmaq üçün çalışmağa hazırsınız?
Əgər buna hazır deyilsinizsə, sizə tam aydın olmayan məqsədlərdən uzaq durun.
Yaxınlarınız ideyalarınızı dəstəkləyir, planlarınızın reallaşmasında sizə yardım edirlər.
Sevgilinizlə münasibətləriniz rəvan olacaq.
Nikah barədə düşünə bilərsiniz. Tənhasınızsa, yeni tanışlıq istisna deyil.
Şir - bu gün sizi çoxlu maraqlı görüşlər, təriflər gözləyir. Qəfil sevgi etirafı da istisna deyil. Sizə olan marağa təəccüblənməməyə çalışın.
Yeni tanışlıqlarda ehtiyatlı olun, gərəksiz insanla yaxın münasibətlər qurmayın.
Alış-veriş, sərmayə, anlaşmalar üçün düşərli gündür. Yeni layihələrlə bağlı işə başlayın, amma tələskənlik etməyin. Kiçik təfərrüatlara diqqət sonradan bir sıra problemlərin yaranmasının qarşısını alır.
Qız - insanlarla asanlıqla dil tapacaqsınız. Amma maraqlarınızı onlara qurban verməyin. Davranış və istəklərinizdə son həddi unutmayın. Əks təqdirdə bədxahlar sizdən sui-istifadə edəcəklər.
Hadisələrin inkişaf məcrasını proqnozlaşdırmağa, minimum məlumatınızın olmasına rəğmən, düzgün hesablara nail olmağa çalışın.
Dövlət qurumlarının mənsubları ilə ünsiyyət üçün əlverişli gündür. Kredit ala bilərsiniz. Daşınmaz əmlakla bağlı sənədləri sürətlə qaydaya salmaq şansı istisna deyil.
Tərəzi - bu gün aradıcı potensialınız çox yüksək olacaq. Xeyli sayda yeni ideyalar olacaq, ətrafınızda baş verənlərə fərqli nəzərlərlə baxacaqsınız.
Sınaqlar keçirmək olar. Məlumatları seçərkən diqqətli olun.
Bu gün danışıqlar apara bilərsiniz, ən mühüm məsələləri müzakirə edərsiniz. Sövdələşmələrə nail olmaq, sənədləri imzalamaq olar.
Hədiyyə almağınız istisna deyil. Çoxdan bəri rəğbət bəslədiyiniz insanın diqqətini cəlb edə bilərsiniz.
Əqrəb - yeni ideya və planlarla zəngin gündür. Bacardığınız, bacara bildiyiniz işlərin hüdudlarını genişləndirin. Başqalarına əlçatmaz görünən məqsədlərə çatmağa çalışın. Şəraitə və problemlərə diqqət yetirin, ən kiçik imkandan faydalanın. Bu gün sizinlə parlaq, qeyri-ordinar insanlar əlaqə saxlayacaqlar.
Yeni tanışlıqlar bol olacaq.
Tənqidi açıqlamaları ürəyinizə salmayın, fikir və əməllərinizdə müstəqil olun. Sizə bir dəfə xəyanət etmiş insana inanmayın. Çünki həmin adamın bu dəfə fərqli davranmasına heç bir əsas yoxdur.
Oxatan - irəliyə doğru hərəkəti davam etdirin. Əvvəllər həyata keçirə bilmədiyiniz planlara qayıtmaq üçün əlverişli gündür. Faydalı işgüzar əlaqələr əldə qurmaq, nüfuzlu adamların dəstəyini qazanmaq üçün şanslarınız var.
İşdəki məsələlər şəxsi həyata qarışacaq.
İllüziyaların əsiri olmayın, xəyalları gerçəklik saymayın. Realist olun, hər şeyə bir qədər şübhə ilə yanaşın. Belə bir çox yanlışlıqlardan qurtula bilərsiniz.
Oğlaq - bu gün sizinlə bağlı gözləntilər çoxdur. Yaxın ətrafınızın ümidlərini doğrulda biləcəksinizmi? Bəli, amma bunun üçün əməllicə çalışın.
Fəqət, işə başlamazdan əvvəl həmin işin sizə lazım olub-olmadığını düşünün. Unutmayın ki, sizdən yararlanmaq, sui-istifadə etmək istəyənlər az deyil.
İnadkarlıq və ambisiyalarınız üçün əlverişli gündür. İşdə vəzifəniz böyüyə bilər, sərfəli təkliflər alarsınız. İş yerində təşəbbüskar olun.
Dolça - bu gün təmkinli olun, çox çətin işlərin qulpundan yapışmayın. Gün sakit və xoş keçəcək, amma məhsuldarlıq az olacaq. Başladığınız işlərin başa çatması üçün dostlar və tanışlardan yararlana bilərsiniz.
Bu gün planlarla müqayisədə, daha çox arzularla bağlı olacaq. Şəraitin uyğun olacağı təqdirdə həyatınızın yaxşılığa doğru necə dəyişəcəyini düşünəcəksiniz. Aktiv olun - kimsə sizin işinizi görən deyil.
Balıqlar - bu gün çoxsaylı yeni imkanlarınız olacaq. Həmin imkanlardan yararlanmaq üçün müşahidə qabiliyyətiniz işə salın, çevik olun. Planlar qurun, amma onları ətrafınızdakı insanlarla müzakirə etməyin. Bu gün gələcək perspektivləriniz və niyyətiniz barədə nə qədər az danışsanız, bir o qədər yaxşıdır.
İş yerinin dəyişməsi istisna olunmur. Unutmayın ki, yeni yerdə sizdə işə yaradıcı münasibət gözlənilir. Bu maraqlı, amma yorucudur.
Ailə münasibətlərində uğurlu gündür.
Axşam saatlarında romantikaya qapılmayın.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.