Qoç - Bu gün enerjinin bir qismini şərait "udacaq". Səhhətlə bağlı problemlər və ya ailə-məişət qayğılarının ciddiləşməsi ilə qarşılaşa bilərsiniz.
Əyləncələrə baş qoşmayın, geniş miqyaslı yeni işə başlamayın. Əgər özünüzü yorğun hiss etsəniz, kiçik gəzinti və ya idman yardımçınız olar. Əhval-ruhiyyəni yaxşılaşdırmağın ən yaxşı yolu yaxınlarınıza qayğıdır.

Buğa - Sakit davranış və rutin işlər üçün əlverişli gündür. Ağır zəhmət tələb edən işə başlamayın. Yuxudan tez ayılıbsınızsa, gecədən xeyli keçmişə qədər oyaq qalmayın.
Şərait sizə nə qədər doğmadırsa, özünüzü bir o qədər rahat hiss edəcəksiniz. Xanımlarla söhbət eyninizi açacaq. Romantik hisslər günüdür. Hisslərinizi qaydaya salmaq üçün bütün imkanlardan istifadə edin.

Əkizlər - Valideynlərinizlə birlikdə yaşamırsınızsa, onlara baş çəkin və ya telefonla danışın. Gün ərzində kiçik təşvişlər və narahatlıqlar istisna deyil. Yaşadığınız məkanda yerdəyişmələr etmək üçün uğurlu gün deyil.
Tanış psixoloji mühit və adət etdiyiniz rahatlıq bu gün sizə çox vacibdir. Əgər evə qonaq çağırıbsınızsa, səmimi və şən olun.
Sosial şəbəkələrdə fəallıq məsləhət deyil.

Xərçəng - Qonaq getmək üçün uğurlu gündür. Romantik görüş, sakit gəzinti, qısa səfərlər, kiçik alış-verişlər üçün də əlverişli vaxtdır.
Bu gün yanınızda nəzakətli, tərbiyəli insanların olma şansı daha çoxdur. Dincəlmək üçün rahat məkan seçin. Ətrafınızdakı insanlarla xoş ünsiyyət, kiçik hədiyyə mübadiləsi də yararlıdır. Xanımların problemlərini anlamağa çalışın.

Şir - Dəqiq olsanız və detallara fikir versəniz, işləriniz rəvan gedər. Məsələn, tez-tələsik nə isə almağa tələsməyin, hər şeyi yaxşıca götür-qoy edin.
Bu gün istənilən işdə ayıq olun, amma praktik olmağı xırdaçılıqla səhv salmayın. Başqalarının məsləhət və göstərişlərinə qulaq asın, amma öz mövqeyinizi də unutmayın. Yaranan situasiyanın xırda detallarına xüsusi fikir verin.
İnteryer, yemək, ünsiyyətə laqeyd qalmayın.

Qız - Bu gün gözəl nəsnələrə xüsusi fikir verəcək, hətta ən xırda məsələlərdə ideala can atacaqsınız. Sizin dəyərlər sisteminizə uyğun olmayan hər şey qıcıq yaradacaq. Ailə üzvləri və nüfuzlu tanışlarınızın bəzilərinin bu gün sizi anlamayacaqlarını bilin.
Mübahisə yaranarsa, barışmağa çalışın. Səmimi olsanız, sizi anlayacaqlar. Amma ifrata varmayın, sentimental olmayın.

Tərəzi - Bu gün bilaixtiyar olaraq "boz kardinal"a çevriləcəksiniz. Baş verən hadisələri kölgə arxasından idarə etmək diqqəti cəlb etməkdən daha yaxşıdır. Harmoniya, mütənasiblik və ədalət axtarışlarını bu gün təxirə salın, yoxsa xırdaçılıq edəcəksiniz.
Səhhətinizdəki problemləri qulaqardına vurmayın. Sirr saxlamaq məharəti bu gün xüsusilə dadınıza çata bilər. Uğur qazansanız, onun sirrini kimsəyə deməyin.

Əqrəb - Bu gün ünsiyyət və danışıqlarla bağlı bütün bacarıqlarınızı işə salmalı olacaqsınız. Hissləriniz güclüdür, amma onları sakitcə izhar edin, dəlisovluğa qapılmayın. Diplomatik olun, təkliflərinizi ultimatumlara çevirməyin.
Hətta tənqidləri belə, kompliment formasında izhar edin. Dostların, tanışların, həmfikirlərin qədrini bilin.
Yazışmalar, sosial şəbəkələrdə aktivlik, danışıqlar, sevgi etirafı, gələcəklə bağlı planların müzakirəsi üçün uğurlu gündür.

Oxatan - Qəhrəmanlıq etməyə çalışmayın, bu gün müşahidə olunan şəraiti kökündən dəyişmək qüdrətində olduğunuzu düşünməyin.
Kiçik tələbləri və normal davranış qaydalarını qulaqardına vurmayın. Hərəkət etməzdən əvvəl, ətrafdakıların sizdən nə istədiklərini, nə gözlədiklərini anlamağa çalışın. Emosionallıq və yersiz avantürizmin qurbanı olmayın. Yaşanan hadisələrin pərdəarxası nüanslarını nəzərdən qaçırmırsınız ki?
Axşam saatlarında sevdiyiniz, yaxud dəyər verdiyiniz insana hədiyyə vermək məsləhətdir.

Oğlaq - Bu gün kimsə sizdən maneələrin qəhrəmancasına dəf olunmasını gözləmir. Nəyəsə ehtiyacınız varsa, ən sadə və rahat yolu seçin. Dostluq əlaqələrini, romantik münasibətləri dərinləşdirmək vaxtıdır.
Uzaqda yaşayan tanışlar və qohumlarla əlaqə saxlayın. İşdə həmkarlarınızla daha səmimi olun. Praktiki davranışlı, ciddi və təvazökar olun. Nəzakəti unutmayın.

Dolça - Bu gün şəxsi münasibətlərdə böhranla qarşılaşa bilərsiniz. Təlaş və nigaranlıq hissləri sizi çulğamasın. Əlaqə və təmaslardakı hissiyatı artırmayın. Kiçik nöqsanları aradan qaldırın ki, böyük problemlərlə qarşılaşmayasınız.
Maliyyə, qidalanma, səhiyyə və istirahətlə bağlı köklü dəyişikliklər zamanı deyil. Özünüzü sınaqlardan keçən insan təki hiss etməyin. Riski minimuma endirin.

Balıq - Bu gün ən yaxın insanın harmoniya, münasibətlər, ədalətlə bağlı fikirləri sizdə narazılıq doğura bilər. Səhər saatları daha gərgin olacaq.
İşlə bağlı problemlər yarana bilər. İş yoldaşları və ya tələbə dostlarınızın davranışı sizi sinirləndirəcək, amma emosiyalarınıza hakim olun.
Kiçik məsələlərə görə mübahisə etməyin. Münaqişələrdən uzaq durun.