Bu gün Bakıda Heydər Əliyev adına Neft Emalı Zavodunun 5 saylı sexinin ərazisində günün birinci yarısında qaz partlayışı və yanğın baş verib.

14:19

 Bu barədə məlumatı Bakı Şəhər Təcili və Təxirəsalınmaz Tibbi Yardım Stansiyasının baş həkiminin müavini Zemfira Vahidova verib.

Onun sözlərinə görə hadisə ilə bağlı Stansiyaya məlumat verildikdən sonra dərhal 2 həkim briqadası hadisə yerinə gönədirilib.

“İndicə əlaqə saxladıq həkimlərlər. Onlar bizə bildirdilər ki, 2 nəfər yüksək gərginlik keçirərək tibbi yardıma müraciət edib. Onlara yerindəcə tibbi yardım göstərilib. Hazırda bizim həkimləri içəri buraxmırlar. Onlar kənarda növbə çəkirlər” – deyə, Z.Vahidova bildirib.

Qeyd edək ki, bu gün saat 13.30 radələrində Heydər Əliyev adına Neft Emalı zavodunda (keçmiş Yeni-Bakı neftayırma zavodu) qaz borusuna yüksək təzyiqli qaz dolduğundan ard-arda güclü partlayış baş verib.

13:33

Yanğın artıq söndürülüb.

“Zərərçəkənlər barədə hələ ki, məlumat yoxdur” - deyə məlumatlı mənbə bildirib.

Hadisə şahidlərinin sözlərinə görə, 12:54-də böyük məsafədən yanğın baş verən ərazidə tüstü hələ də görünürdü.