Qoç - Səhər obaşdan ayılmış şəxslər dünən yarımçıq qoyduqları işi davam edə bilmirlər. Səhər saatlarından yaxşı yararlana bilməsəniz, gün boyu aktiv və gümrah olmaq ümidi ilə vidalaşmalısınız. Əvəzində sizin üçün mühüm əlaqələrin maliyyə və əmlak yönləri ilə məşğul ola bilərsiniz.
Kişilər sevdikləri qadınların münasibətlərə daha çox diqqət yetirəcəklərinə hazır olmalıdırlar. Münasibətlər dərin və dava-şavasız olacaq.

Buğa - Bu gün sevdiyiniz adamla sözlərə ehtiyac duymadan hisslər və istəklər səviyyəsində qarşılıqlı anlaşma əldə edə bilərsiniz. Münasibətlərinizin harmoniyası daha ciddi, fərqli səviyyələrdə möhkəmlənəcək. Romantik əlaqələri olmayanlar maliyyə problemlərinin həllinə başlaya bilər.
Bundan başqa, təhsil, inkişaf, uşaqların tərbiyəsi, təhsilin təşkili, istirahət və ya səyahət məsələlərində də çözüm astanasındasınız.

Əkizlər - Son vaxtlar qovrulan və güclənən şübhələr sizdən əl çəkəcək. Gün ərzində ehtiyaclarınızın ödənilməsinə yönəlmiş işlərlə məşğul ola bilərsiniz. Bu, maaş, maddi dəstək problemi, ya da sevimli insanla aranızdakı anlaşma probleminin həlli ola bilər.
İşdə isə həmkarınız sizə dəstək olacaq. Ağrı hiss edən qadınlar bu gün mütləq həkimə müraciət etsinlər.

Xərçəng - Sevdiyiniz insanla güzəştə meyllisiniz. Ailəli olanlar uşaqlarının nazı ilə oynayıb, bundan həzz alacaqlar. Bu gün təravətli və xoş təsir bağışlayırsınız. Qadınlar onları sevənlərin gözündə daha da məlahətli olacaqlar. Ev işləri rahat olacaq, problem yaratmayacaq. Qohumlarla da problemləri çözəcək, bir-birinizi anlamağa çalışacaqsınız.

Şir - Ulduzlar məsləhət görür ki, cavabsız qalmış sualları bu gün unudasınız. Əgər gərəkli məlumatları tapa bilmirsinizsə, lazımi adama zəng vurmağa çətinlik çəkirsinizsə, planlaşdırdığınız yerə gedə bilmirsinizsə - əndişələnməyin. Xoşlandığınız adama, ya da ailə üzvlərinə daha çox diqqət ayırın. Yaxın qohumlar, bacı və ya qardaşı da unutmayın. Bu gün ailə təmasları üçün əla gündür. Həmin münasibətlər sizə həzz verəcək. Axşam isə evdə gözəl şam yeməyi yeyin.

Qız - Təbii zəka və anadangəlmə intellektual qabiliyyətlər bu gün işinizə yararlı olmayacaq. Rahatlıqla xatirələrə dala bilərsiniz. Maliyyə və işgüzar planlarınız barədə inandığınız, etibar etdiyiniz şəxslərdən savayı kimsəyə danışmayın. Gündəlik qayğılar və işlər öz məcrasında olacaq, sizə problemlər yaratmayacaq. Müəyyən adamların dəstəyi və ya rəğbəti sayəsində gərəkli əlaqələr yarada bilərsiniz. Gün ərzində emosiyalarınız xeyrinizə işləyəcək. Gərəkli adamlarla əlaqələri çox asanlıqla, onların sizdən nə istədiyini hissləriniz sayəsində anlayaraq quracaqsınız.

Tərəzi - Qarışıq və təzadlı istəklərinizə təəccüblənməyin: sadəcə, dayaq nöqtəsi tapmağa çalışın. Belədə, özünüzü yaxşı hiss edəcəksiniz. Şərtlərin dəyişməsinə imkan verin - istənilən halda şəraitin kiçik dəyişiklikləri sizin məqsədə "işləyir" və buna çox yaxında əmin olacaqsınız. İşdə həmkarlarınızın davranışına təccüblənəcəksiniz. Emosionallıq artacaq. Onu azaltmayın, gərəkli məcraya yönəldin.

Əqrəb - Özünüz üçün müəyyənləşdirdiyiniz qrafikdən bir qədər kənara çıxın, hadisələrə fərqli baxın. Yaradıcılıq, istirahət, sevgilinizlə görüş üçün əla gündür. Səyahətlər və yeni əməkdaşlığa marağınız arta bilər. Belə gündə hisslərinizə etibar edin, qohumlarınızın məsləhətlərinə ifrat dərəcədə qulaq asmayın. Quru rəqəmlər, faktlar və hesablamalar hissiyyat, romantika və sirrin kölgəsində qalacaq.

Oxatan - Ev problemləri işgüzarlığınıza mane ola bilər. Bunun üçün də istənilən ev işi ilə məşğul olmaq vaxtıdır. Lakin gün asan keçməyəcək, şəxsi təşəbbüsə qapılmayın. Emosional gərginlikdən uzaq durmağa can atın. Hesablamalar aparanda, yeni planlar quranda, mühüm məlumatı təhlil edəndə çox diqqətli olun. Əgər başqalarının sirlərindən agah olmağa çalışırsınızsa, çox pis səhvə yol verə bilərsiniz.

Oğlaq - Dostlarla anlaşma ümumi məqsədlər və izafi sözlərsiz də əldə ediləcək. Sadəcə, bir-birinizə rəğbətiniz var, ehtiyac və istəklərinizin əksəriyyəti isə oxşardır. Bu, yetər. Çətin məsələlərin həllində dostlarınız və tanışlarınız sizi irəli verəcəklər. Sırf peşə işlərinin çözülməsində də onlar sizə güvənirlər. Ümidlərinizi bölüşən və ya himayə etdiyiniz adama qəflətən vurula bilərsiniz.

Dolça - Maddi problemlərin həlli ilə məşğul olmağa tənbəllik etməyin: ətrafdakı insanlarla münasibətiniz əhəmiyyətli dərəcədə belə davranışdan asılıdır. Maliyyə işlərini qaydaya salmaq üçün maksimum səy göstərin. Təhtəlşüuru, hissiyyatı da unutmayın. Ola bilər ki, gün gərgin keçsin. Dost və qohum yardımı göstərməyi yaddan çıxarmayın. Yardım və dəstək istəyi məlumat almaq ehtiyacından da vacib ola bilər.

Balıqlar - Bu gün ən mühüm məsələ istənilən təmaslarda və münasibətlərdə gərəkli müvazinəti pozmamaq, tarazlığa riayət etməkdir. Şəraitə uyğunlaşmaq da əhəmiyyətli məsələdir. Sevdiyiniz, sizə əziz adam və ya adamların fikirləri önəm daşıdığından, onlar sərt danışsalar da, dinləyin. Eyni zamanda, öz maraqlarınızı da unutmayın. Dincəlməyə, istəklərinizi reallaşdırmağa çalışın.