Millət vəkili Gülər Əhmədovanın rəsmi “Facebook” səhifəsində onun insult keçirdiyi barəsində xəbər yerləşdirilib.

Millət vəkilinin “Facebook” səhifəsində bu cümlə yazılıb: “Sevinin, Gülər Əhmədovanı insult vurdu, sevinin”.

Qeyd edək ki, millət vəkilinin köməkçisi Əhməd Şahidov bu xəbərin səhər eşitdiyini, lakin nə təsdiq, nə təkzib edə bilməyəcəyini deyib.

O deyib ki, yaxın saatlar ərzində ailəsi ilə əlaqə saxlayıb dəqiqləşdirəcək.

G.Əhmədovanın öz mobil nömrəsi açıq olsa da, zənglərə cavab verən olmadı.

Onun təsisçi olduğu mətbuat orqanından bildiriblər ki, xəbər doğrudur. Verilən məlumata görə, millət vəkili hal-hazırda evindədir və xəstəxanaya aparılmayıb.

11:08

Millət vəkili Gülər Əhmədovanın insult keçirməsi xəbəri təsdiqini tapdı. 

Millət vəkilinin qardaşı, teleaparıcı İlqar Mikayıloğlu ANS-Press-ə bu xəbəri təsdiqləyib.

O, Gülər Əhmədovanın gecə saatlarında vəziyyətinin pisləşdiyini bildirdi:

“Gülər xanım sadəcə baxır. Heç bir şeyə reaksiya vermir. Anamı yanına apardım. Həkimlər gəldikdə efirim olduğundan çıxmaq məcburiyyətində qaldım.

Həkimlərin dəqiq diaqnozu bu gün aparılacaq müayinələrdən sonra bəlli olacaq”. 

18:10

 Hazırda onun vəziyyətinin ağır olduğu və yanına heç kimin buraxılmadığı bildirilir

Bu gün səhər saatlarında insult keçirən Gülər Əhmədovanın səhhəti yenidən pisləşib. Verilən məlumata görə, G.Əhmədova bu gün günün ikinci yarısında ikinci dəfə insult keçirib.

Hazırda onun vəziyyətinin ağır olduğu və yanına heç kimin buraxılmadığı bildirilir.