Qoç - İşgüzar və şəxsi sferalarda müəyyən problemlər yaranır. Ancaq siz onları görməməyi üstün tutursunuz. Bu günün bütün hadisələrində müsbət cəhət tapa bilirsiniz. Əla taktikadır: həyatsevərlik və nikbinliyinizlə insanları cəlb edirsiniz, onların sayəsində isə çox şeyə nail ola bilərsiniz.
Bu gün gördüyünüz bütün işlər sizə məmnunluq gətirir. Yaradıcılığa meyliniz artıb. Bəzi Qoçlar əvvəllər bilmədikləri istedadlarını kəşf edəcəklər.
Buğa - Həm işgüzar, həm şəxsi münasibətlər baxımından əla gündür. O, həm vacib məsələlərin həlli, həm də gələcək planların müzakirəsi üçün münasibdir. İstənilən işə ciddi və əsaslı yanaşırsınız. Bu həm sizi, həm də ətrafınızdakıları izafi narahatlıqdan qoruyur.
Dostlarınızın əhatəsində gözəl vaxt keçirəcəksiniz. Ola bilsin ki, yeni tərəfdaş və həmfikir tapasınız. İdeyalarınızı müzakirəyə çıxarmaqdan, təşəbbüs göstərməkdən çəkinməyin. Ağıllı risk edə bilərsiniz. Səfərləriniz yaxşı keçəcək.
Əkizlər - Birmənalı gün deyil. O, demək olar ki, əla başlayır, adi axarla davam edir və darıxdırıcı notlarla bitir. Odur ki, vacib görüşləri və danışıqları günün birinci yarısına salın. Səhərçağı həmçinin kütlə qarşısında çıxış, romantik görüşlər, sevgi etirafları üçün də münasibdir.
Axşam əsəbi olacaqsınız. İstənilən xırdalıq sizi özünüzdən çıxara bilər. Var qüvvənizlə yaxınlarınızla münaqişədən qaçmağa çalışın, əks halda küskünlük və fikir ayrılıqları çox uzun sürəcək. Alış-veriş etmək məsləhət deyil.
Xərçəng - Müsbət tendensiyaların təsiri çox güclüdür. Doğrudan da, möhtəşəm qələbələr qazana bilərsiniz. Hər şeyə vaxtınız çatır: həm işə, həm ictimai fəaliyyətə, həm istirahətə, həm yaxınlarınızla ünsiyyətə. Ziyafətə, yaxud mədəni tədbirə dəvət ala bilərsiniz. Maliyyə vəziyyətiniz yaxşıdır.
Qətiyyətli və məqsədyönlü, eyni zamanda inadcılsınız. Bəzən o qədər inad edirsiniz ki, yaxınlarınız sərbəst qərar vermək hüquqlarını müdafiə etməli olurlar.
Şir - Xırdalıqlara çox vaxt ayırır, bu səbəbdən də vacib məqamları əldən buraxırsınız. İşdə və evdə ciddi fikir ayrılıqları yarana bilər. Xüsusilə qadınlarla dil tapmaq çətin olacaq. Dincəlmək, hər şeyi öz axarına buraxmaq istəyirsiniz. Amma təəssüf ki, bu gün belə istəklər üçün yer yoxdur. Heç olmazsa, vacib işlərin həllilə məşğul olun.
Uzunmüddətli planlar qurmaq məsləhət deyil: sonradan onlara düzəliş etmək qanınızı qaraldacaq. Planlaşdırılmayan görüşlər mümkündür. Heç görmək istəmədiyiniz bir insanla rastlaşa bilərsiniz.
Qız - Ünsiyyət üçün əla gündür, ətrafınızdakıları yaxşı anlayır və demək olar ki, onları «oxuyursunuz». Eyni zamanda özünüz də başqaları üçün açıq kitab kimisiniz. Bu isə düşmənlərinizin xeyrinədir. Hər bir məlumatı dəqiqiliklə yoxlayın, yalnız çox yaxın adamlara etibar edin.
Günün ikinci yarısı işdə problemlər yarana bilər. İşinizə layiqli qiyməti vermirlər, bu isə sizi çox kədərləndirir. Alış-veriş etməyin. Bu gün sizə tamamilə lazım olmayan əşyalar almağa meyllisiniz.
Tərəzi - Mənasız və yorucu vurnuxmalar başınızı qatacaq. Hansısa planları həyata keçirməyə çalışırsınız, ancaq müqavimətlə qarşılaşırsınız, gücünüzü maneələri dəf etməyə tükədirsiniz. Məqsədinizə doğru başqa bir yol aramaq daha ağıllı olardı.
İşgüzar və şəxsi ünsiyyətdə müəyyən çətinliklərin olmasına baxmayaraq, əsl dost və etibarlı tərəfdaşlar tapmaq şansınız var. Evinizin təmiri, abadlaşdırılması ilə, iş yerinizin yeni avadanlıqla təchizatı ilə məşğul ola bilərsiniz. Məişət texnikası almaq üçün münasib gündür.
Əqrəb - Mənfi tendensiyaların təsiri çox güclüdür. Bunlara müqavimət göstərmək çox çətindir. Bütün gün xoşagəlməz emosiyalara qapılır, nahaq yerə narahatlıq keçirir, depressiyanın dərin qatlarını öyrənirsiniz. Ətrafınızdakılar sizin kefinizi açmağa çalışsalar da, zəhmətləri əbəsdir.
Həyatınıza yeni nəsə qatmağa çalışmaqla əvvəllər çox dəyər verdiklərinizi dağıdırsınız. Bir çox Əqrəblər mövcüd əlaqələri qırmaq həvəsinə düşəcək və bu həvəslərini təcili olaraq yerinə yetirməyə çalışacaqlar. Axşam özünüzü tək-tənha hiss edəcəksiniz.
Oxatan - Uzun müddət böyük zəhmət bahasına qurduqlarınız dağılmaq üzrədir. Nüfuzlu və güclü düşmənlərlə vuruşmalı olursunuz. Sizin üçün çox vacib olanı itirə bilərsiniz. Mənfi tendensiyaların təsiri ilə mübarizə aparmaq üçün gücünüz çox azdır.
Qohumlarınızın və sevdiyinizin dəstəyinə ehtiyacınız var? Gözləməyin. Sizə elə gələcək ki, hamı sizdən üz döndərib və siz öz problemlərinizlə baş-başa qalmısınız. Axşama doğru şərait dəyişəcək. Siz öz gücünüzə inanmağa başlayacaqsınız və işlər yoluna düşəcək.
Oğlaq - Günün birinci yarısı işlərdə uğur, sərfəli sövdələşmələr və maraqlı işgüzar təkliflər vəd edir. Əsas odur ki, vaxt itirməyəsiniz, mümkün qədər tez hərəkət edib, enerjili və məqsədyönlü olasınız. İşdəki bəzi münaqişələri yoluna qoymaq şansınız var. Bu, karyera pillələri ilə irəliləməyinizə yardım edəcək.
Axşamçağı gözəl şəxsi keyfiyyətlərinizi ortaya çıxara biləcəksiniz. Bu dövr romantik görüş, sizin üçün maraqlı olan insanla ünsiyyət üçün münasibdir.
Dolça - Günün emosional fonu xoşagələn deyil, mənəvi tarazlığınızı asanlıqla itirirsiniz. Əsəbilik, səbəbsiz qəzəb tutmaları mümkündür. Bürcün bir çox nümayəndələri bu yaxınlaradək güvəndikləri insanlara şübhə ilə yanaşmağa başlayırlar. Çalışın, verdiyiniz vədlərə əməl edəsiniz, əks halda ciddi problemlər yaranacaq.
Yaxınlarınızı nəyin narahat etdiyini anlamaq həmişə mümkün olmur. Bəzən qaba və xətrədəyən iradlar bildirirsiniz. Günün ikinci yarısı ünsiyyətdə həddən artıq ehtiyatlı olun, çünki kimsə sizi yanıltmağa çalışacaq.
Balıqlar - Təzadlı gündür. Hər şey sizin istədiyinizin əksinə alınır. Bu sizi dəhşətli dərəcədə əsəbləşdirir. Sizin pis əhvalınızın qurbanları isə günahsız insanlar olurlar. Adətindən daha çox kinayəli və kobud iradlar bildirir, müsahibinizə bu sözlərinizin necə pis təsir etdiyi barədə düşünmürsünüz.
Əgər bu günə vacib görüş təyin etmisinizsə, xarici görünüşünüzə maksimum diqqət ayırın - üzərinizdə hansı geyim olmasının əhəmiyyəti böyükdür, sizə qiyməti məhz paltarlarınıza görə verəcəklər. Ekstravaqant hərkətlərdən çəkinin, başqalarının stereotiplərini qırmayın.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.