Qoç - Çox hissiyyatlısınız. Bu gün ətrafınızdakıların əhvalını ən xırda çalarına qədər hiss edir, onların gizli fikir və arzularını «oxuyursunuz». Bundan başqa, bu gün inanılmaz dərəcədə həlimsiniz. Münasibətlər üçün bu, əlbəttə ki, pis deyil, amma Qoçlar üçün belə xasiyyəti yaxşı adlandırmaq olmaz, çünki tezliklə özünüz də bu gün çox güzəştə getdiyinizə görə peşman olacaqsınız.
Hisslərinizə, duyğularınıza qarşı diqqətli olun: onların bəziləri gələcək hadisələrdən xəbər verir. Gördüyünüz yuxularınız çin çıxa bilər. Ürəyinizə daman hadisələrin də tezliklə gerçəkləşməsi mümkündür. Aldığınız məlumatı kimsəylə bölüşməyin.

Buğa - Çox məhsuldar gündür, müxtəlif işlərin öhdəsindən gələcək, yorulmayacaqsınız. Yeni, hərtərəfli faydalı bir şey öyrənə bilərsiniz. Qəfildən alnınıza döyüb, «Tapdım!» qışqıra bilərsiniz (bunu fikrən edin, ətrafınızdakılar səksənməsinlər). Yaradıcı potensialınız çox yüksəkdir.
Güzəştə zorla gedir, yaxınlarınıza təzyiq göstərirsiniz. Bu, uzunmüddətli mübahisələrə səbəb ola bilər. İnamsızlıq sevgililərin arasına nifaq salmaq gücündədir. Bu gün yaman qısqancsınız.

Əkizlər - Nə istəyirsiniz, onu da edirsiniz. Əlbəttə, bu çox yaxşıdır, amma gələcəkdə bu hərəkətlərinizin xoşagəlməz nəticəsi ilə qarşılaşa bilərsiniz. Odur ki, hərdən sağlam düşüncə adlı bir məfhumun mövcudluğunu xatırlayın, diqqətli olun. Xırda sevinclərə həvəslənməyin.
Yaxınlarınızı sevindirmək, sevdiyiniz şəxsə sürpriz etmək şansından istifadə edin. Xudpəsəndliyiniz ciddi mübahisəyə səbəb ola bilər. Ani həzzlər üçün böyük pullar xərcləməyin, tezliklə bu pullara ehtiyacınız olacaq.

Xərçəng - Qəfil uğur gözlənilir, seçdiyiniz yolla xeyli irəliləyə bilərsiniz. Qoy çətinliklər sizi qorxutmasın - onlar ötəri və qeyri-ciddidir. Onları aşmaq üçün kifayət qədər qətiyyətiniz və ağlınız var. Yeni fürsətlər yaranır, bunlardan yararlanmaqla uğur əldə edə, başqalarının təqdirini qazana bilərsiniz.
Şəxsi həyatınızda ciddi, böyük dəyişikliklər, maraqlı tanışlıqlar, taleyüklü görüşlər gözlənilir. Əvvəllər qırılmış müəyyən münasibətləri bərpa etmək mümkündür, bunun üçün çox güc sərf etmək gərək deyil, sadəcə, intuisiyanızın dediyi kimi hərəkət edin.

Şir - Qırqovul kimi kola soxulmasanız, gününüz hadisələrlə dolu ola bilər. İş burasındadır ki, Şirlərin əksəriyyəti bu gün öz güclərinə və imkanlarına güvənmir, bədbinlik və ehtiyatlılıq nümayiş etdirirlər. Belələri bütün təklifləri rədd edərək təklikdə qalmağı üstün tutacaqlar. Niyə beləsiniz? Axı bilirsiniz ki, bu taktika düzgün deyil.
Təhsil, tədqiqat, həmçinin rəssamlıq və ədəbi yaradıcılıq üçün münasib gündür. Axşama doğru səhhətiniz pisləşə bilər, yuxusuzluqdan əziyyət çəkə bilərsiniz.

Qız - İfritə qadınlarla yaxın təmaslar üstündə əsdiyiniz şeyləri itirmənizə səbəb ola bilər. Sizi aldada, istəmədiyiniz işlə məşğul olmağa vadar edə bilərlər. Maliyyə və daşınmaz əmlakla bağlı bütün məsələlərin həllini təxirə salın.
Uzunmüddətli və irimiqyaslı planları həyata keçirə, uzaq, amma çox şey vəd edən məqsədlərə doğru addımlar ata bilərsiniz. Entuziazmınız yoluxucudur, tərəfdaş tapmaqda çətinlik çəkməyəcəksiniz. İmicinizlə eksperiment edə, geyim ala bilərsiniz.

Tərəzi - Birmənalı olmayan, çətin, amma maraqlı gündür. Şərait elə gətirir ki, gizli bacarıqlarınız üzə çıxır, şəxsiyyətin indliyədək bilinməyən cəhətləri özünü göstərir. Hisslərinizə inanın. Başqalarının açıq-aşkar bildiyini özünüzə təlqin etməyin. İndi öz yolunuzu tapmalı, öz metodlarınızı tətbiq etməlisiniz.
Mürəkkəb məsələlərin həlli üçün münasib gündür. Taleyin çağırışlarını cəsarətlə qəbul edin. Xoşagəlməz tendensiyaları aşmaq gücündəsiniz. Rəssamlıq və musiqi mənəvi tarazlıq əldə etməkdə yardımçınız ola bilər.

Əqrəb - Gün pis başlamır. Ancaq istənilən xırdalıq onu korlaya bilər. Buna imkan yaradacaqsınız? Boş şeylərə əsəbləşməmək çətindir: onlar planlarınızı pozur, çoxdan arzusunda olduğunuz işləri təxirə salır. İşlərinizə qəfləti və xoşagəlməz müdaxilələr mümkündür.
Diqqətinizi tez bir zamanda nəticə vəd edən xırda işlərə yönəldin. Müdrik söhbətlərdən, mücərrəd mövzuların müzakirəsindən qaçın - məhz belə ixtilat dava-dalaşa aparır.

Oxatan - Aydın olmayan çox məqam var, əlinizdə olan məlumatın azlığı düzgün qərar verməyinizə mane olur. Eyni zamanda, ətrafınızda sizi yanlışlığa sürükləmək istəyən insanların sayı da çoxdur. Odur ki, qərarlar vermək, uzunmüddətli planlar qurmaq niyyətləri bu gün üçün yaramır.
Çətinliklərə baxmayaraq, nikbinlik və yaxşı əhvalı qoruyub-saxlaya biləcəksiniz. Bu, müvəqqəti çətinliklərin öhdəsindən gəlməyə, çat verməkdə olan münasibətləri yamamağa imkan verir. Xırda alış-veriş üçün münasib gündür, çox pul xərcləmək isə məsləhət deyil.

Oğlaq - Neçə gündür, yaxşı gün arzusundasınız. Üstdə olan ideyalar, açıq-aşkar görünən həllər sizi dalana sürükləyir. Mürəkkəb və birmənalı olmayacaq bu günün hadisələrinin əsası uzaq keçmişdən gəlir. İrəliyə getmək üçün indiyədək etdiklərinizi götür-qoy edin, motivlərinizi araşdırın, özünüzə yalan deməyin. Sizi yanıldan ətrafınızdakılar deyil, özünüzsünüz. Çünki olduğunuzdan yaxşı görünmək istəyirsiniz.
Dəstəyinə bel bağladığınız adamlar sizə yardım əli uzatmaqdan imtina edəcəklər. Bu, özlüyündə əladır: çoxdan arzusunda olduğunuz sərbəstliyə qovuşursunuz.

Dolça - Emosiyalarınız aşıb-daşır. Sizə elə gəlir ki, bunların öhdəsindən gələ bilməyəcəksiniz. Ancaq təslim olmayın: soyuqqanlılıq sayəsində şəraitə nəzarəti ələ keçirmək olar. Sizin üçün əhəmiyyətli olan insanlarla ünsiyyətdə ehtiyatlı olun. Yersiz söz, təsadüfi irad qarşılıqlı anlaşmanı yerlə yeksan edə bilər.
Hər bir şeydə qədəri gözləyin. Əgər tamahınıza güc gələ bilməsəniz, nəticəsi çox pis olacaq. Sağlam qidalanma, qədərində fiziki iş, təbiət qoynunda gəzinti bu mürəkkəb günü asan yola verməyinizə kömək edər.

Balıqlar - Günün ilk yarısı kefiniz yaxşı olmayacaq, hər şey sizə qaranlıq görünür. Ətraf aləmin dağınıqlığı, natamamlığı sizi mütəəssir edir, az qala fiziki ağrı verir. Bir çox Balıqlar işlə məşğul olmaq istəmir, tənbəlliyə üstünlük verirlər. Bu, ən azından, düşünülməmiş hərəkətlərin qarşısını alır.
Günün ikinci yarısı isə tamamilə başqa cür keçir. Emosional yüksəliş hiss edirsiniz, bütün çətinlikləri aşacağınıza dair əminlik yaranır. Mürəkkəb məsələlərin həlli üçün yaxşı gündür.