AZAD AZƏRBAYCAN
Azad Azərbaycan.

Azadlığını sevənlərin azad saytı



Sənin Azad Musiqi Dünyan...

Music.Azad.Az. Bölmə Azad Azerbaycan.

Röya Ayxan - Sənə Ehtiyacım Var [FuLL Albom]

[Albom yüklə]. Bölmə Azəri Mp3.

Aygün Kazımova - Səni belə sevmədilər //2015

[Mp3 Yüklə] . Bölmə Azəri Mp3.

Burak Özçivit ~ Vogue Men

[Fotosessiya] . Bölmə Şəkillər.

Adriana Lima walks for Desigual at

New York Fashion Week. Bölmə Fashion .

Dillərə düşəcək bir Sevdam var...☜♡

Sevgi Sözləri. Bölmə Sevgi.

Əlhəmdülillah, səni Sevdirəni sevirəm....

Yolumuz İslam.... Bölmə İslam.

Həftənin ən yaxşı qolları - VİDEO

Video izlə. Bölmə Idman.

  • Music Azad.Az
  •  Röya-Göndər
  • Mətanət İsgəndərli - Gəl xoşbəxt olaq
  •  Günel - Divanə
  •  Evli, Mutlu, Çocuklu ツ
  • Dəb\Fashion | Qadın dünyası
  • Yolumuz İslam...
  • Sevgi - Romantika
13 noyabr
Azərbaycan generalı: Söz döyüşünə son qoymaq lazımdır

Oxu.Az-ın suallarına Milli Məclisin keçmiş deputatı, Azərbaycan Silahlı Qüvvələrinin ehtiyatda olan generalı, hərbi ekspert Vladimir Timoşenko cavab verir.

 

- Azərbaycan HQ erməni helikopteri Mİ-24-ü Qarabağ münaqişəsi zonasında vurublar, indi isə ermənilər Bakını gərginliyi artırmaqda ittiham etməyə cəhd edirlər. Bu vəziyyəti necə şərh edərdiniz?

 

- Helikopter bizim ərazidə vurulub. Bu əsas məsələdir. Ona görə də indi qaldırılan ajiotaj yalnız erməni tərəfindəndir. Bütün bu etirazları Ermənistanın siyasi rəhbərliyinə və Silahlı qüvvələrinə ünvanlamaq lazımdır.

Bu, Azərbaycanın hava məkanına müdaxilə idi. Vəssalam.

 

- Daha öncə ermənilər əminliklə iddia edirdilər ki, Azərbaycan Qarabağ səmasında erməni aviasiyasını vurmağa “cürət etməz”, əgər söhbət vətəndaş hava gəmisindən getsə belə. Yəqin ki, baş verənlərdən sonra erməni ritorikasında əminlik azalar.

 

- Mən Azərbaycan tərəfinin davranışını çox müsbət qiymətləndirirəm. Bu söz döyüşünə son qoymaq lazımdır. Nümayiş etdirmək və təsdiq etmək lazımdır. Biz beynəlxalq hüquq normalarına və öz hüquqi aktlarımıza uyğun davranmışıq. Və biz, Ermənistandan Qarabağa uçan təyyarənin ilk sərnişininin erməni prezidenti olacağı halda belə, nəticələr barədə xəbərdarlıq etmişdik. Bundan sonra istənilən müdaxilənin sonu belə olacaq. Bu gün biz yetərincə silahlı və istənilən aqressiyanın qarşısını ala bilməyə qadirik.  

 

Ermənilər daim sərhəddə və təmas xəttində təxribatlar törədirlər. Bizim adamlarımız həlak olur. Ərazimiz üzərindən cəzasız uçuşlar isə yalnız onların əl-qolunu açır, bu isə bizim zəifliyimiz haqqında onlarda yanlış fikrin yaranmasına gətirib çıxarır. Ona görə də mən Azərbaycan Silahlı Qüvvələrinin davranışına çox müsbət yanaşıram.

 

- Ermənistanın Müdafiə Nazirliyi iddia edir ki, vurulan helikopter tədris helikopteri olub, Azərbaycan üçün heç bir təhlükə ifadə etməyib və hətta silahsız olub...

 

- Ermənilər nə istəyirlər, deyə bilərlər. Söhbət mülki hava gəmisindən yox, hərbi helikopterdən gedir. Və biz çox tədbirli davranmışıq.

 

Burada şəxsi təcrübəmi bölüşmək istərdim. Çukotkada xidmət edərkən, SSRİ ərazi suları üzərində koreya “Boeing”i vuruldu. O, bizim hava məkanını pozan kimi Kamçatka ərazisindən təyyarələr qaldırıldı, xəbərdarlıq atəşi açıldı. Qanunu pozan ekipajı məcburi eniş etdirmək istədilər, amma bu cəhdlər boşa çıxdı. Və bizim təyyarəçi Osipoviç raket buraxdı. Bəli, həlak olanlar üçün təəssüfləndik, orada 300-ə yaxın adam var idi. Amma təyyarə kursdan çıxaraq bizim ərazimizə 200 km-ə qədər daxil olmuşdu. Belə hərəkətləri bağışlamaq olmaz.

 

Murmanskda yaşayan zaman isə, buna bənzər başqa bir hadisə oldu, amma o zaman xəbərdarlıq atəşindən sonra sərnişin təyyarəsi donmuş gölün üzərinə oturdu.

 

Bizim halda isə söhbət hərbi helikopterdən gedir. Və mən böyük həvəslə artıq qərarlı addımlar atmağa başladığımızı bildirirəm. Prezidentlər görüşür və təbii ki, münaqişə zonasında mülki vətəndaş və hərbçilərin həlak olmasının qarşısının alınması məsələlərinə dair fikirlər səslənir. Nə olsun ki? Snayperlər atəş açmağa davam edir, bizim vətəndaşlar ölür. Ona görə də belə hallara yalnız güc tətbiq edərək cavab vermək lazımdır.

 

Mən münaqişənin dərinləşməsinə qarşıyam, amma tərəflərdən biri özünü qıcıqlandırıcı apardığı zaman adekvat cavab vermək lazımdır.  

 

- Azərbaycan beynəlxalq ictimaiyyət tərəfindən təzyiqə məruz qala bilərmi?

 

- Xeyr. Əgər, hətta Ermənistanın ənənəvi müdafiəçilərindən olan Fransa bunu etməyə cəhd edərsə, onun səsi hesaba alınmayacaq, yəni Azərbaycan üçün heç bir effekti olmayacaq.

Mən daha çox heç bir təzyiqin olmayacağından əminəm. Yalnız münaqişənin dərinləşməməsi üçün Azərbaycanın daha səbirli davranmasının lazım olduğunu deyə bilərlər. Amma heç bir gərginləşmə olmayacaq. Bəli, ermənilər snayperlərdən istifadə edərək intiqam almağa çalışacaqlar. Ona görə də bir qədər ayıq olmamız lazımdır. Və təbii ki, adekvat tədbirlər görməliyik.

Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
| Müəllif - LM_Roya, Baxılıb - 1827, Rəy sayı - 0 , Tarix: 13-11-2014, 14:00 |
 (səslər: 1)


Oxşar Xəbərlər:


İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

Forumda son mövzu Baxış Cavab Müəllif Sonuncu

Populyar Xəbərlər
    Online
    İzləyicilər (0):
    Ziyarətçilər (37):
    Botlar (3):
    Hal-hazırda saytda: 40
    Günlük İzləyicilər
    Facebookda biz
    Reklam




    Son Rəylər
    
    Reklam
    Sorğu
    Azad olunmamış Azərbaycan
    Xəbər Müəllifləri
    Şərh Müəllifləri
    ZaineaBus
           Yoxdur
    Şərhlər: 81
     
    Teddysfew
           Yoxdur
    Şərhlər: 66
     
    MilesSible
           246435266
    Şərhlər: 3
     
    Jessicared
           141338324
    Şərhlər: 1
     
    MariaMub
           341747638
    Şərhlər: 1
     
    Sayğac