Həmin yer, həmin görüntü, lakin bu dəfə başqa adamlar və milli geyimdə...

Azərbaycanda maraqlı evlənmə təklifi baş tutub.

Fotoqraf Ayxan Salahovun ideyasına əsasən, Bakının mərkəzində milli paltarlar geymiş gənclər bir-birinə sevgi etirafı ediblər.

Samir adlı gənc sevdiyi qıza - Nərgizə bir müddət əvvəl öpüşən cütlüyün şəkil çəkdirdiyi yerdə evlilik təklifi edib.

Elə həmin yerdə çəkilən şəklin üzərinə aşağıdakı şeir parçası yazılıb:

“Ey dilbəri rana! Ey təsadüf-ü müstəsna! O məhrəm üzünüzü görüncə sizə an-i ürəkdən vuruldum ... Niyyətim acizanə-i təcavüz etmək deyil.. Əksinə əfkar-i ümumiyədə kiçik bir ailə bacası tüttürtməktir... Sözlərim sizi təmin və tətmin edəcəksə əgər buyursanı-z izdivacınıza talibəm!”.

Fotoqraf Ayxan Salahov mövzu ilə əlaqədar bunları bildirdi:

“Tarqovı”da çəkilişdə iştirak edən Samir bəy məndən maraqlı bir ideya istədi. Qeyd etdi ki, dəyişik, milli mentalitetimizə uyğun və kütlə içərisində olsun.

Nərgiz xanıma olan evlilik təklifi camaat içərisində idi. Nərgiz xanıma fotosessiya edəcəyimizi dedik, fotosessiya zaman Samir bəy Nərgiz xanıma bu sözləri deyərək evlilik təklifində buyurdu.

Nərgiz xanım belə bir addımı gözləmirdi. Bu sözləri eşidəndə sevincdən gözləri doldu və Samir bəyə “bəli, səninlə daim ailə səadəti yaşamaq istəyirəm” dedi.

Biz isə öz növbəmizdə gənclərimizi təbrik edib, qeyd etmək istəyirik ki, son vaxtlar Azərbaycanda qeyri-adi evlilik təklifləri etmək dəbə minib. Yuxarıda qeyd etdiyimiz kimi, ötən ay başqa bir cütlük həmin ərazidə öpüşərkən foto çəkdirmişdi və həmin şəkil sosial şəbəkələrdə geniş müzakirələrə səbəb olmuşdu. || oxu.az