"Sovetski" sakinlərinin keçirtdiyi bu günkü aksiya artıq sona çatdı. Aksiyanın təşkilatçıları orada toplaşan insanlara müraciət edərək, hər kəsi evlərinə dağılışmağa çağırıblar. Buna səbəb hakimiyyət təmsilçilərinin xalqa söz verməsidir. Bunun da qarşılığında əhali hakimiyyət təmsilçilərinə 3 gün vaxt verdi. Bir daha xatırladaq ki, "Sovetski" adlanan ərazinin sakinlərinin əsas tələbi söküləcək evlərə ayrılan kompensasiyaların 3 min manatadək artırılması ilə bağlıdır. Aksiyanın dinc şəraitdə keçdiyi bildirilir.

Bakının “Sovetski” məhəlləsinin sakinləri evlərinin sökülməsinə və verilən kompensasiyaların azlığına etiraz əlaməti olaraq aksiya keçirir. 

 500-dən çox sakin 173 saylı məktəbin qarşısına toplaşıb.

Ərazidə polis əməkdaşları da var. Lakin onlar aksiyaya mane olmurlar.

Musavat.comun hadisə yerində olan müxbirləri xəbər verir ki, "Sovetski" sakinlərinin aksiyası böyük miyinqə çevrilib, iştirakçıların sayı artmaqda davam edir. 173 saylı məktəbin qarşısına mikrofon gətirilib, çıxışlar edilir.