Bakı Metropoliteni təkər cütlərinin yerli şəraitdə formalaşdırılması üzrə istehsalat sahəsinin yaradılması prosesini yekunlaşdırmaq üzrədir.
XezerXeber.com Bu barədə Bakı Metropoliteninin rəsmi saytına istinadən məlumat verir.
Məlumata əsasən, təkər cütlərini təşkil edən hissələrin xammal şəklində alınaraq Metropoliten şəraitində formalaşdırılması, həmçinin istismarda olanların təmiri artıq effekt verməyə başlayıb: "Bunun başqa səmərəli cəhətlərini də qeyd etmək olar. Bu mənada Metropolitenin xarici istehsalçılardan asılılığının əsasən aradan qaldırılması qeyd oluna bilər".
Bu texnoloji proses həm də istismarda olan təkər cütlərinin istənilən təmirini təşkil etməyə imkan verir. Bu, material itkisinin qarşısını əsaslı şəkildə almağa təsir edəcək.
Məlumatda qeyd edilir ki, bu yenilik sayəsində əldə olunmuş daha bir nailiyyət nəinki lokomotiv təsərrüfatının təkər cütlərinə olan ehtiyacının ödənilməsi, həm də ehtiyat fondun yaradılmasını da reallığa çevirib.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.