Ərzaqlar :
350 qram ələnmiş un
3 yemək qaşığı zeytun yağı

Xəmirləri yağlamaq üçün:
2 yemək qaşığı kərə yağı

İçi üçün :
4 ədəd orta boyda alma
1 yemək qaşığı kərə yağı
3 yemək qaşığı toz şəkər
1/2 su stəkanı quru üzüm
1/2 su stəkanı file badam ( badam dilimləri)
1/2 çay qaşığı vanil
1 desert qaşığı darçın

Üzəri üçün:
4 yemək qaşığı pudra şəkəri

Hazırlanması :
Yumurta sarısı, pudra şəkəri, zeytun yağı və duzu qarışdırdıqdan sonra suyu yavaş yavaş əlavə edib, qarışdırın. Ələnmiş unu az-az əlavə edib , bütün məlzəməni yoğurun. Xəmiri təmiz bir qaba alın və üstünü təmiz bir şeylə örtüb , otaq temperaturunda 20 dəqiqəyə qədər gözlədin. Xəmir özünə gələn müddətdə almalı iç hazırlamaq üçün , bol suda yuduğunuz almaları 4 yerə bölün, çəkirdəklərini çıxarıb, qabığlarını təmizləyin. Ya incə incə cips şəklində , ya da xırda kub şəklində doğrayın.

Kərə yağını və toz şəkəri tavaya alın, karamel rəngi alana qədər 2-3 dəqiqəyə qədər bişirin. doğranmış alma, file badam və isladıb suyunu süzdüyünüz quru üzümləri əlavə etdikdən sonra 10 dəqiqəyə qədər qovurun. Vanil və toz şəkəri qatdıqdan sonra son dəfə qarışdırıb bir kənarda gözlədin. Otaq temperaturunda qalan xəmiri götürüb 4 parçaya böldükdən sonra tək tək açın.
Xəmirləri yağlamaq üçün istifadə edəcəyiniz kərə yağını bir qabda əridin, açdığınız ilk xəmiri mətbəx stolunun üzərinə qoyun, bir yumurta fırçası ilə üzərini kərə yağı ilə yağlayın. Aralarını əridilmiş kərə yağları ilə yağladığınız bütün xəmirləri üzt üztə düzün. 4 bərabər parçaya böldüyünüz xəmiri elə incə açın ki, bişəndən sonra ağızda ərisin və xəmir qalmasın.
Hazırladığınız içi, kənar qisimlərdə pay buraxaraq xəmirlərin orta hissəsinə yayın, kənarda qalan xəmirin kənarlarını içə qatladığdan sonra böyük bir düzbucaq əldə edəcək şəkildə uzunlamasına, rulo şəklində bükün.
Diqqətli şəkildə sobaya yerləşdirdiyiniz şirniyyatı, öncədən isidilmiş 170 dərəcə sobada, 25 dəqiqə , üzəri qızarana qədər bişirin. Sobadan götürəndən sonra bir az soyuyandan sonra, üzərinə bolca pudra şəkəri ələyin və sevdiklərinizlə paylaşın.. =)

Nuş olsun!