"Nokia" nın 10,1 dyümlük "Sirius" planşeti satışa çıxacaq
Məşhur mobil telefon istehsalçısı olan "Nokia" firması tezliklə planşet satışına da başlayacaq.10.1 dyümlük bu plaşet "Sirius" adlanır. Planşet ARM prosessoru əsasında işləyəcək.

Məlumata görə,2 giqabaytlıq operativ yaddaşa malik olan bu planşet İPad-dən nazik və yüngül olacaq. Daxili yaddaşı 32 giqabayt olan avadanlığın kamerası 6 meqapikseldir.

Planşet sentyabrın 26-ında, Nyu Yorkda keçiriləcək konfransda təqdim ediləcək. "Sirius"un gözlənilən ilkin qiyməti 499 dollar olacaq. Bu qiymətlə o, İPad-lə rəqabət aparacaq.

"Nokia" "Samsung"u arxada qoyub

“Nokia” Finlandiyanın mobil bazarında liderliyini geri qaytarıb
“IDC” analitik şirkətinin son məlumatına görə, “Nokia” şirkəti Finlandiyanın mobil bazarında liderlik mövqeyini geri qaytarıb. Birinci rübdə Cənubi Koreyanın “Samsung” şirkəti Finlandiyanın mobil bazarında böyük paya sahib olsa da, ikini rübdə liderlik yenidən “Nokia”ya qayıdıb. “Nokia”nın hazırda Finlandiya bazarında payı 36 faiz təşkil edir, “Samsung” isə ondan 2 faiz geri qalır.

Rəqəmlərə nəzər yetirdikdə, “Nokia”nın Finlandiyanın mobil bazarında payını 14 faizdən 7 faizədək azaldan “Apple” sayəsində iştirakını genişləndirdiyini görə bilərik.

Finlandiya operatorları nümayəndələrinin fikrincə, “Nokia” aprel-iyunda “Lumia” istehsal xəttindən olan qurğular sayəsində öz mövqeyini möhkəmləndirməyə nail olub. “Lumia” xəttində müxtəlif qiymət kateqoriyasına aid qurğuların olması səbəbindən “Nokia” hazırda müxtəlif gəlir səviyyəsinə malik Finlandiya əhalisinin bütün təbəqələrinin smartfon tələbatını ödəyə bilir. “TeliaSonera” şirkətinin kommunikasiya vasitələri üzrə direktoru Timo Saksen bildirib ki, "Nokia Lumia” modelləri indi bütün alıcı dairəsini əhatə edir