Ay bütöv olanda insanlar yaxşı yatmır. Bu sözləri eşidəndə düşünürük ki, nəsə mistik-fantastik söhbətlərdir. Amma bu sözlərin həqiqətə də yaxınlığı var. Çünki çox adam, doğrudan da, bədirlənmiş Ay vaxtı gecə yarısı birdən oyanır. Sonra saatlarca o tərəf, bu tərəfə çevrilir, lakin yata bilmir.
Alimlər uzun müddət ay tsikllərinin insan psixologiyasına təsirini araşdırmağa çalışıblar, lakin məlumatlar o qədər də etibarlı olmayıb. İndi isə Ay tsikllərinin insan orqanizminə təsiri ilə bağlı etibarlı dəlillər tapılıb.
Milli.Az-ın məlumatına görə, İsveçrənin Bazel universitetinin sosioloqları yaş dövrlərindən asılı olaraq yuxunun necə dəyişdiyini araşdırmağa çalışıblar. Bunun üçün bir neçə könüllünün yuxu zamanı elektroentsefaloqrammasını çəkiblər ki, beynin yuxu dalğalarının xarici amillərdən nə dərəcədə asılı olduğunu öyrənsinlər. Bu təhqiqatlar 2000-ci ildən başlayıb. Bu məlumatlar sayəsində alimlər Ay fazalarının yuxuya təsirini də öyrənə biliblər. Məlum olub ki, bədirlənmiş Ay zamanı insanlarda yuxu daha az olur. Adi günlərlə müqayisədə bədirlənmiş Ay zamanı yuxu 20 dəqiqə az olur.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.