Lənkəranın Şağlaser kənd sakini bu günlərdə 100 yaşını qeyd edib. Cənub TV-nin məlumatına görə ki, Pəri nənənin ömrünün çoxunu yaşadığı həyətində əsl toy mağarı qurulmuşdu. Övladları, nəvə-nəticələri, bütün qohum-qonşular onun başına yığışaraq əsl bayram sevinci yaşayırdılar. İki əsrə şahidlik edən Pəri Sadıqova 1913-cü il mayın 10-da Masallı rayonunun Kolatan kəndində anadan olub. 13 yaşında ailə quran Pəri nənə Masallıdan Lənkəranın Şağlaser kəndinə gəlin köçüb.
Toydan qabaq həyat yoldaşını görməyən Pəri ailə tanışlığı ilə evlənib. Lakin həyat yoldaşı ilə birgə yaşamaq Pəri nənəyə çox az qismət olub. Həyat yoldaşı Mövsum kişini müharibənin başlaması ilə cəbhəyə yola saldığını deyən Pəri nənə çox keçmədən qara kağız alıb. Nənənin 6 uşağından 4-ü ağır və çətin müharibə illərində aclıqdan ölüb. Pəri nənə həyat yoldaşına həsr etdiyi mahnını da bizim üçün səsləndirdi.
Pəri nənə uzun ömur sürməsinin səbəbini fiziki işlə məşğul olması və təbii qidalara üstünlük verməsi, mal-qara saxlaması ilə bağladı. Bildirdi ki, həm də övladları ona çox yaxşı baxırlar. Sən demə, uzunömürlülük həm də Pəri nənəyə ana tərəfdən keçib.
Biz də öz növbəmizdə 1 oğul, 8 nəvə və 13 nəticəsi olan Pəri nənəni yubiley münasibətilə təbrik edir, Allahın ona ayırdığı ömur payını sağlam yaşamasını arzulayırıq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.