Azərbaycanlıların toyuna mat qalmış ruslar - VİDEO
Rusiyada toy edən azərbaycanlılar digər sürücüləri hiddətləndiriblər. Rusiya mətbuatının verdiyi məlumata görə, buna səbəb isə Yekaterinburqda toy karvanının yol hərəkəti qaydalarını pozması olub.
Toy karvanı tıxacda qalmamaq üçün yolun əks hərəkət istiqamətinə çıxıb. Maşınlar parlaq lentlərlə bəzədilib, üzərində isə ağ qu quşlar qoyulub. Amma digər sürücülərin əsas diqqətini cəlb edən maşınlarının üzərindəki Azərbaycan bayraqları olub.
Tıxacdakı vəziyyəti video ilə lentə alan sürücülərdən biri onu internetə yerləşdirib. Məsələyə yol polisi də qarışıb. İndi bu video ilə bağlı araşdırma aparılır. Təqsirkarlar cəzalandırılacaq. Məsələni qəlizləşdirən isə videoda toy karvanı maşınlarının nömrəsinin görünməməsidir. Amma hələlik karvandakıların azərbaycanlıların olub-olmadığı dəqiq deyil.
Azərbaycanın Yekaterinburqdakı konsulu İlqar isgəndərov da kortecdəkilərin yaxşı hərəkət etmədiyini deyib: "Belə hərəkət etmək olmaz. Amma bu fakta milliyətçilik zəminində baxılmasını arzu etməzdik. Müntəzəm olaraq azərbayacanlıların iştirakı olmadan da belə hadisələr baş verir. Bununla belə, düşünürəm ki, həmyerlilərimiz yollarda belə etməyin olmayacağını anlamaları üçün bizim tərəfimizdən tədbirlər görüləcək".
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.