19
dekabr
Maraqlı xəbərlər [19.12.12]
Azərbaycanın ən ucaboy adamı Sadıqzadə Aqil 1990-cı ildə Beyləqan rayonunun Aşıqlı kəndində anadan olub.
Dediyinə görə, hələ uşaq yaşlarından öz tay-tuşları arasında boyuna görə seçilib. Üç bacının bir qardaşı olan Aqil evin böyük uşağıdır. Amma 2 metr 23 sm boya sahib olması heç də həmişə qürurverici deyil. Təsərrüfat işlərində atasına kömək edə bilmədiyinə görə çox sıxıntı keçirdiyini deyir. Aqil geyimini, ən əsas da ayaqqabısını xüsusi sifarişlə hazırlatdırır. Ayağının baş barmaqları çox uzun olduğu üçün sağ ayaqqabısını sol ayağına, solu isə sağa geyinməyə məcbur olur. Onun ayaqqabısının ölçüsü 51-dir.
Əsasən gününün çox hissəsini bağda meyvə ağaclarına qulluq etməklə keçirdiyini deyir. Aqil qismət olarsa, yaxınlarda ailə qurmaq fikirində olduğunu da dilə gətirib. Atası Şirin kişi deyir ki, 10 yaşından sonra onda güclü dəyişiklik hiss edilib. Ancaq həmin vaxt həkimə müraciət etsələr də, maddi imkansızlıqdan onu müalicə etmək mümkün olmayıb. Yaxın qohumlarının sözlərinə görə, nəsildə ucaboy insanlar olub. Amma Aqil onlardan daha hündür boya sahibdir.
Qeyd edək ki, dünyanın ən ucaboy insanı türk Sultan Kosendir. Onun boyu 2 metr 47sm-dir. "Tı kto takoy? Davay, do svidaniya!" YouTube`da rekord vurdu .
Klip Rusiyada ən çox baxılan dördüncü video çarxdır.
"YouTube" video-portalı Rusiyada ən ən çox baxılan video çarxların siyahısını açıqlayıb. Məlum olub ki, 2012-ci ildə bu portalada rusiyalılar ən çox multfilmə baxıblar. ANS PRESS-in vesti.ru saytına istinadən verdiyi məlumata görə, 36, 5 milyon insan tərəfindən izlənilən uşaqların sevimli multfilmi “Masha i medved : Bolşaya stirka” tutur. Maraqlıdır ki, bu multfilmi izləyənlərin çoxu 35-44 yaşlı kişilərdir.
İkinci yerdə “Gangam Style” klipidir ki, bütün dünyada izləyicilərinin sayı milyarda çatsa da, Rusiyada o qədər də səs toplaya bilməyib.
Üçüncü yerdə isə Vladi Kastanın “Soçinyay meçtı” klipidir. Buna 10 milyondan çox insan baxıb. Dördüncü yerdə Rüstəmov qardaşlarının “Tı kto takoy? Davay, do svidaniya!”meyxanasıdır. Onları 7 milyon insanın izlədiyi bildirilir.
Yeni ilin və Miladın başlıca simvolu əlbəttə ki, yolkadır. Dünyanın bütün şəhərləri yolkalarının işıqları, bəzəkləri və hündürlüyü ilə yarışırlar.
Nyu-York
Rokfellerin mərkəzindəki yolka ABŞ-da ən məşhur yeni il yolkasıdır. O, ilk dəfə 1931-ci ildə quraşdırılıb. Builki canlı yolka təkcə bayram simvolu deyil, həm də dözüm, sarsılmazlıq əlamətidir. Axı "Sendi" qasırğasından sonra salamat qalan ağac tapmaq çətin idi.
Rio-de-Janeyro
Rio-de-Janeyro 85 metr hündürlükdə milad yolkası işıqlandırıb. Metal karkaslı yolka hündürlüyünə görə Ginnesin Rekordlar kitabına salınıb. 85 metrlik "gözəl"in işıqlandırılması üçün 3 milyondan çox lampa lazım gəlib. 28 mərtəbəli bina hündürlüyündə olan yolkanın açılışı 100 mindən çox insanın iştirakı ilə 6 dəqiqəlik atəşfəşanlıqla müşayiət olunub.
London
Norveçin paytaxtı Oslo İkinci Dünya müharibəsində köməkyə minnətdarlıq əlaməti olaraq 65 il ərzində London sakinlərinə milad yolkası hədiyyə edir. Bu il 65 futluq yolka öz işıqlarını 6 dekabrdan Trafalqar meydanında yandırıb.
Paris
Parisin Osman bulvarında Swarovskidən cah-cəlallı, büllur şamdanlardan tac qoyulmuş yolka bəzədilib.
Praqa
Çexiyanın paytaxtındakı 36 min fənərlə işıqlandırılmış bayram yolkasına baxmağa dəyər.
Sidney
Sidneydə yeni il yolkasının qurulmasına 12 adam və 8 iş günü tələb olunur. Bu il bayram ağacını 58 min fənər, 90 ağ şar və 150-dən çox ulduz bəzəyir.
Saloniki
Dərin böhrana baxmayaraq, Yunanıstanda heç kim bayramı təxirə salmayıb. Lakin Salonikidəki 65 futluq milad yolkası yeganə bayram bəzəyi deyil. Yunanıstanda gəmilərin də bəzədilməsi adətdir
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
| Müəllif - ZAUR, Baxılıb - 3802, Rəy sayı - 8 , Tarix: 19-12-2012, 16:30 |
Oxşar Xəbərlər:
- Dünyanın ən böyük yolkası işıqlandırıldı - VİDEO
- Müxtəlif xalqların müxtəlif Yeni il ənənələri
- “Bizim cəbiş müəllim”in Makedonu-ilə müsahibə
- Aqil M. Quliyev həbs olunub
- Bu gün Gülüş Günüdür
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Forumda son mövzu | Baxış | Cavab | Müəllif | Sonuncu |
Naviqator
Populyar Xəbərlər
Online
İzləyicilər | (0): |
Ziyarətçilər | (47): |
Botlar | (2): |
Hal-hazırda saytda: 49 |
Xoş Gəlmisiz...(Son Qeydiyyat)
Facebookda biz
Reklam
Son Rəylər
Reklam
Sorğu
Azad olunmamış Azərbaycan
Xəbər Müəllifləri
Şərh Müəllifləri
|
Sayğac