Məxluqatı Allah, Əzrayıl, yoxsa digər mələklərmi öldürür?
İnsanın canını kim alır? Allah, Əzrayıl, yoxsa digər mələklərmi öldürür? Hər üçü həqiqətdir.
Əzrayıl və ona bağlı mələklər Allah-Taalanın əmri ilə canları alırlar. Məsələn, əgər bir sultan öz sərkərdələri və qoşunu vasitəsilə bir ölkəni fəth edirsə “filan ölkəni sultanın qoşunu fəth etdi” və ya “filan sərkərdə fəth etdi” deməyin heç bir eybi yoxdur və həqiqətdə qoşunun hökmranlığını və rəhbərliyini öhdəsinə götürən sultan fəth edib. Əlbətdə, bu misallar məsələnin dərk olunması üçündür, yoxsa əsil mətləbimiz bundan çox-çox ucadır.
Rəbbimiz ölüm üçün vasitələr yaradıb.
Bir sözlə, ölüm məqamı Allah-Taala ruhu, canı alır. Amma diqqət etməliyik ki, Allah dünyanı səbəblər evi kimi yaradıb, o cümlədən ölüm üçün də vasitələr müəyyən edib. Məsələn, damdan yıxılmaq, xəstələnmək, öldürülmək və sair. Əlbətdə bütün bunlar səbəbdir. Axı ölümdən də ağır xəstəliyə tutulanlar var ki, yaşayırlar. Deməli, bu xəstəlik təklikdə ölümə səbəb olmur. Bəli, yalnız ömür sona yetdikdə Allah onun ruhunu çıxarır. Necə ki, bəzən tam sağlam adamların qəfil ölümünə şahid oluruq.
Can almaq üçün gələn ölüm mələyinin görünüşü.
Ruhu çıxarmaq üçün gələn mələk can verənlərə müxtəlif şəkillərdə görünür. Rəvayətə görə Həzrəti İbrahim (əleyhissalam) kafir şəxsin canını alan vaxtda Əzrayılın surətini görməyi arzuladı. Bildirildi ki, buna taqətin çatmaz. Amma İbrahim (əleyhissalam) görmək üçün təkid etdi. Əzrayıl özünü deyilən surətdə İbrahim (əleyhissalam) göstərdi; rəngi qara, bədəninin tükləri biz-biz durmuş, pis qoxulu, qara libaslı, ağız və burnundan od qığılcımları püskürən bir kişi! İbrahim peyğənbər qəşş etdi... Özünə gəldiyi zaman buyurdu: “Əgər kafir şəxsə heç bir əzab verilməzsə, səni görmək əzabı ona bəsdir.”
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.