Neymar Messi və Ronaldodan məşhurdur
"Barselona"nın yeni futbolçusu Neymar Lionel Messi və Kriştiano Ronaldodan daha çox məşhurdur.
Qol.Az-ın "La Razon"a istinadən verdiyi məlumata görə, Boliviyanın paytaxtı La Pazda dünyaya gələn hər 100 uşaqdan 20-nin adını Neymar qoyurlar.
Qarşıdakı 17 il ərzində isə bu nisbətin daha çox artacağı bildirilir. Səbəb Neymar adının brendə çevrilməsidir.
Qeyd edək ki, Neymar 57 milyon avroya "Barselona"ya transfer olunub. Ulduz oyunçu aprel ayında Braziliyanın Boliviyanı 4:0 hesabı ilə məğlub etdiyi matçda iki qol vurub.
Ançelottinin “Real”dakı ilk oyununun vaxtı açıqlandı
"Real" İngiltərənin "Bornmut" komandası ilə yoldaşlıq oyunu keçirəcək.
Qol.Az-ın İspaniya mətbuatına istinadən verdiyi məlumata görə, iyulun 21-i baş tutacaq matç Madrid klubunun yeni çalışdırıcısı Ançelotti üçün əlamətdar olacaq. Hər iki şəxs "Kral klubu" ilə ilk matçına çıxacaq.
Yoldaşlıq görüşündə "Real"ın oyunçusu Kriştiano Ronaldo da forma geyəcək. Bu barədə jurnalistlərə açıqlama verən İngiltərə klubunun prezidenti Eddie Mitçel deyib: "Matçda Madrid klubunda yalnız Konfederasiyalar kubokuda iştirak edən futbolçular olmayacaq".
PSJ "Barselona"nın təklifini rədd etdi
İspaniyanın "Barselona" klubu PSJ-nin müdafiəçisi Tiaqo Silvanı transfer etməkdə israrlıdır.
Qol.Az-ın məlumatına görə, Kataloniya təmsilçisi braziliyalı futbolçunun keçidi üçün qarşı tərəfə 32 milyon avro təklif edib.
Lakin Paris klubu bu təkliflə razılaşmayıb. PSJ rəhbərliyi ötən mövsüm Silvanın transferinə 42 milyon avro xərclədiyindən "Barselona"nın məbləği artırmasını tələb edir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.