Bazar ertəsi "Santos"un ofisində hücumçu Neymarın "Barselona"ya keçidi ilə bağlı tərəflər bütün şərtləri rəsmi olaraq razılaşdırıblar.
Trend-in məlumatına görə, futbolçu İspaniyada imzalanması planlaşdırılan Kataloniya klubu ilə 5 illik müqavilənin şərtlərini razılaşdırıb. Onun növbəti həftə (bazar ertəsi və ya çərşənbə axşamı) "Barselona"nın oyunçusu kimi ictimaiyyətə təqdim olunacağı gözlənilir.
Futbolçu İnstagram-da yazıb:
""Santos"u tərk etdiyimə görə çox üzülürəm ancaq mən yenə qayıdacağam. Ümumiyyətlə, "Barselona" kimi klubla müqavilə bağlamaq mənim üçün böyük şərəfdir. Çünki o dünyanın ən yaxşı klublarından biridir".
Qeyd edək ki, "Barselona" Neymarın transferinə görə "Santos"a 58 milyon avro ödəyəcək. Futbolçu özü isə il ərzində təxminən 7 milyon avro qazanacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.