“Barselona”nın hücumçusu Lionel Messi martın 2-də “Real”a qarşı keçiriləcək La Liqanın 26-cı turunun oyununu buraxa bilər.

Qol.Az-ın İspaniya mətbuatına istinadən yaydığı xəbərə görə, buna səbəb argentinalı futbolçunun səhhətindəki problemlərdir.

Messi komandasının dünənki məşqini yüksək hərarətə görə yarımçıq tərk edib. İndi onun “Real”la oyunda iştirak edib-etməyəcəyim sual altındadır.

Xatırladaq ki, bundan öncə “Real”ın hücumçusu Kriştianu Ronaldunun “Barselona” ilə oyunu buraxacağı bildirilmişdi. Xəbər verilir ki, baş məşqçi Joze Mourinyo gələn həftə Çempionlar Liqasının 1/8 final mərhələsinin “Mançester Yunayted”ə qarşı keçiriləcək görüşü ərəfəsində həmyerlisinin zədə almasından ehtiyat edir. Bu səbəbdən Mourinyo Ronaldunu əsas heyətdə meydana buraxmayacaq.