Mişel Platini yenə Messini dəstəklədi
UEFA prezidenti Mişel Platini, növbəti dəfə tərəfkeşlik edərək, "Real" cəbhəsini qəzəbləndirən açıqlama ilə çıxış edib. UEFA rəhbəri bildirib ki, "Barselona"nın ulduz futbolçusu Lionel Messinin yenidən "Qızıl top" mükafatını qazanacağına inanır. Ötənlərin ulduz fransız futbolçusu hesab edir ki, argentinalı ulduz futbolçu bu mükafatı haqq edir: "Rekordlar qırılmaq üçündür. Əgər Messi yenidən "Qızıl top" mükafatını qazansa, o bunu haqq edəcək. Messinin 25 yaşı var və futbolda iz buraxacaq uğurlar qazanıb. İnanıram ki, o yenidən dünyanın ən yaxşısı olacaq". Qeyd edək ki, Messi daha öncə ardıcıl olaraq 3 dəfə "Qızıl top" mükafatına sahib çıxıb.
Kaka qərarını verdi
Kaka gələcək kariyerası ilə bağlı qərarını verib.
“Real Madrid” klubunda özünə əsas heyyətdə yer tapa bilməyən Kaka gələcək kariyerası ilə bağlı qərarını verib.
Kral klubunun “Alkayano” ilə keçirdiyi kubok oyununda heç 18-liyə də düşməyən Kaka artıq “Real” dan ayrılmaq qərarına gəlib. Kaka bu barədə öz menecerinə məlumat verib və onunla maraqlanan klublarla görüşməyə hazır olduğunu bildirib.
Kakanın atası isə oğlunun Avropada karyerasına davam etdirmək istədiyini söyləyib. Artıq “Milan” klubu da köhnə futbolçusunu icarə ilə almaq istədiyini dilə gətirib.
Santos yenə Türkiyəyə qayıtmaq istəyir
Keçmiş "Fənərbaxça"lı Andre Santos, yenidən Türkiyəyə geri dönmək istədiyini dilə gətirib.
Hazırda London "Arsenal"ında çıxış edən, amma gözlənilən nəticəni göstərməyən keçmiş "Fənərbaxça"lı Andre Santos, yenidən Türkiyəyə geri dönmək istədiyini dilə gətirib."Globoesporte" qəzetinə açıqlama verən "Arsenal"ın braziliyalı forvardı bildirib ki, Türkiyədəki bəzi futbol klubları onunla ciddi şəkildə maraqlanırlar. Lakin braziliyalı futbolçu, hələ tələsmədiyini, həmin komandaların maddi durumları ilə bağlı araşdırma apardıqdan sonra qəti nəticəyə gələ biləcəyini açıqlayıb.
Arda Turan "Real"a meydan oxudu!
Hazırda Madrid "Atletiko"sunda uğurlu mövsüm keçirən türkiyəli futbolçu Arda Turan, "Marca" qəzetinin vasitəçiliyi ilə azarkeşləri ilə görüşüb və onların bir sıra suallarını cavablandırıb. A.Turanla müsahibəni olduğu kimi sizə təqdim edirik.
- Arda, İspaniyaya uyğunlaşmaqda çətinlik çəkmədin ki?
- Qətiyyən. Səni sevən insanların içində problem yaşamazsan. Türkiyəli futbolçular çox istedadlı olurlar və biz texniki olaraq da artırmalıyıq. Çünki fiziki və texniki hazırlıq İspaniyada daha yaxşıdır.
- Karyeranı İspaniyada, yoxsa Türkiyədə başa vuracaqsan?
- Hər bir futbolçu gələcək karyerası haqda planlar qurur. Lakin taleyin səni tamamilə başqa yerlərə apara bilər. Madriddə xoşbəxtəm. Gələcəkdə necə olacağını deyə bilmərəm.
- Səncə, "Real" (Madrid) klubunu məğlub etməyin əsas yolu nədir?
- Hər dəqiqə və hər saniyə yüksək səviyyədə futbol oynamaq və oyuna nəzarəti bir an belə olsa, əldən verməməliyik.
- Madrid "Real"ı ilə bərabərə qalsanız, buna sevinəcəksən?
- Əgər qələbə qazana bilmiriksə, o zaman məğlub da olmamalıyıq. Bununla belə, "Atletiko" bərabərliyə sevinə bilməz.
- İspaniyada olduğun müddətdə səni ən çox təəccübləndirən nə oldu?
- İspaniyada hər şeyi sevdim. Təəccüblü bir şey yoxdur. Burada peşəkar bir atmosfer var. "Atletiko" da digər klublardan fərqli komandadır. Nizam-intizam yüksək səviyyədədir. Azarkeşlərimiz də möhtəşəmdir. Onları çox sevirik.
- Bir sabiq "Qalatasaray"lı kimi, "Atletiko" - "Real", yoxsa "Qalatasaray" - "Fənərbaxça" derbisinin daha həyəcanlı olduğunu düşünürsən?
- Bu, çox fərqli bir duyğudur. Çünki mən "Qalatasaray"da yetişmişəm. Bu, İspaniyada yetişən Fernando Torresin İngiltərədəki derbilərdə çıxış etməsi kimi bir hissdir. Ona görə də bu barədə danışmaq çətindir.
- La Liqada Falkao, Messi və Ronaldo xaricində daha hansı futbolçuların oyununu bəyənirsən?
- Ötən mövsüm Kazorlo, İsko və Adrian idi. Ancaq hamıdan öncə Adrian gəlir. O həqiqətən möhtəşəm oyunçudur.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.