Mübariz İbrahimovun xatirəsinə həsr olunan turnir başladı

Biləsuvarda “Enşin” karate idman növü üzrə I Respublika Çempionatı keçirilir

Biləsuvar rayonunda Milli Qəhrəman Mübariz İbrahimovun xatirəsinə həsr olunmuş “Enşin” karate idman növü üzrə I Respublika Çempionatı başlayıb. Yarış Milli Qəhrəmanın adını daşıyan lisey-məktəb kompleksində baş tutub. Azərbaycan Enşin Karate Fedarasiyasının təşkilatçılığı və dəstəyilə baş tutan yarış gənclər, yeniyetmələr və böyüklər arasında keçirilib. Yarışda Astara, Salyan, Biləsuvar, Lerik, İmişli, Cəlilabad, Cəbrayıl və paytaxdan gəlmiş idmançılar iştirak edib. Enşin Karate Fedarasiyasının prezidenti Zahir Mirişov bildirib ki, gələcəkdə bu idman növü üzrə Bakı birinciliyinin keçirilməsi də planlaşdırılır.

Yarışın keçirilməsində əsas məqsəd gələcəkdə Avropa və dünya çempionatlarında “Enşin” karate idman növü üzrə Azərbaycan millisinin üzvlərini müəyyənləşdirməkdir.

Qeyd edək ki, Enşin Karate Fedarasiyası 2012-ci ildə yaradılıb və hazırda keçirilən yarış bu idman növü üzrə baş tutan ilk respublika turudur. 2 gün davam edəcək yarışın qalibləri müxtəlif növ medal, diplom və kuboklarla mükafatlandırılacaq.

   Boks yığmamız İrəvandakı çempionatda iştirak edəcək

 Azərbaycan boksçuları İrəvanda noyabrın 25-dən dekabrın 8-dək keçiriləcək gənclər arasında Dünya Çempionatında çıxış edəcəklər.

İdmançılarımızın sözügedən Dünya Çempionatında iştirakı məsələsi demək olar ki, həll olunub.

Yalnız bir neçə məsələni dəqiqləşdirmək qalıb.

Qeyd edək ki, Ermənistanın paytaxtına 6-sı boksçularımız olmaqla, 10 nəfərlik nümayəndə heyətimiz yola düşəcək. Boks yığmamızın yekun tərkibi hələlik tam müəyyən edilməyib

   "Fənərbaxça"nın məğlubiyyətsizlik seriyası qırıldı - VİDEO