Portuqaliyanın nüfuzlu “tvgolo.com” saytı ötən həftə dünyanın futbol müydanlarında vurulmuş ən gözəl 10 qolu müəyyənləşdirib.Azad.az-ın məlumatına görə,azarkeşlərin səs verməsinə əsasən bu dəqiqəyə olan göstəriciyə görə, “Fənərbaxça” klubunun slovak futbolçusu Miraslav Stokun qolu 6178 səslə liderdir. 

İkinci yerdə isə “Portu”nun futbolçusu Hulkın “Benfika”nın qapısına vurduğu qol qərarlaşıb. Azarkeşlərin 1466-sı bu qolu bəyənib. Həftənin ən gözəl qolları siyahısında üçüncü pillədə “Santos”un gənc braziliyalı futbolçusu Neymarın qolu yer alıb. Neymarın qolunu bəyənən azarkeşlərin sayı 1265 nəfərdir. 

Həftənin ən gözəl qolları siyahısında həmçinin Eşli Yanq “Mançester Yunayted”, Xandao “Sportinq”, Robin Van Persi “Arsenal”, Hevertinyo "Seongnam Lhva Chunma”, Simao Sabroza “Beşiktaş”, Necato Ateş “Qalatasaray” və Xordi Xumetra “Elche” kimi futbolçuların rəqib qapılara vurduqları qollar da var.