Türkiyə voleybolçuları ilk Avropa Oyunlarının finalına vəsiqə qazandı
Bakı Kristal Zalda ilk Avropa Oyunlarının qadın voleybolçular arasında yarışlarının yarımfinal mərhələsi keçirilib. SİA-nın məlumatına görə, günün ən maraqlı qarşılaşması Türkiyə və Azərbaycan milli komandaları arasında olub. İdman mütəxəssislərinin erkən final adlandırdıqları oyunda azarkeşlər gərgin idman mübarizəsinin şahidi olublar. Görüşdə Türkiyə voleybolçuları 3:2 hesabı ilə qalib gələrək finala vəsiqə qazanıblar. Oyunda ilk set türkiyəli voleybolçuların 25:21 hesablı üstünlüyü ilə başa çatıb. İkinci setdə daha inamlı oynayan Azərbaycan voleybolçuları 25:23 qalib gələrək ümumi hesabı bərabərləşdiriblər – 1:1. Üçüncü setdə türkiyəli voleybolçular üstün olublar – 19:25. Dördüncü setin əvvəlində Azərbaycan voleybolçuları hesabda geridə olsalar da, sona doğru böyük əzmkarlıq nümayiş etdirərək 25:23 qalib gəliblər. Görüşün taleyi tay-brekdə həll olunub. Həlledici setin sonunda üstünlüyü ələ alan Türkiyə idmançıları görüşü qələbə ilə başa vura biliblər – 15:11
Məğlubiyyətə baxmayaraq, Azərbaycan voleybolçularının inamlı oyunu xoş təsir bağışlayıb. Görüşün ən məhsuldar hücumçusu Polina Rəhimova olub. O, komandamıza 34 xal qazandırıb.
Yarımfinala vəsiqə qazanan digər komanda isə Polşa yığması olub. Polşalı voleybolçular gərgin keçən qarşılaşmada Serbiya millisi üzərində 3:2 (25:23, 20:25, 25:19, 22:25 və 15:12) hesabı ilə qələbə qazanıblar.
Beləliklə, Azərbaycan və Serbiya milliləri bürünc, Türkiyə və Polşa voleybolçuları isə qızıl medallar uğrunda yarışacaqlar.
Üçüncü yer uğrunda oyun iyunun 27-də, final görüşü isə iyunun 28-də keçiriləcək.
"Atletiko" "Çelsi"nin təklifini rədd etdi
"Çelsi" "Atletiko"nun futbolçusu Anton Qrizmanı transfer etməkdə israrlıdır. London təmsilçisi fransalı futbolçu üçün "Atletiko"ya 50 milyon avro təklif göndərib. "Çelsi" üstəlik ötən mövsüm icarə əsasında "Fiorentina"da oynayan Muhammed Salahı da Madrid klubuna təklif edib. Lakin "Atletiko" "Çelsi"nin bu təklifini geri çevirib. Qeyd edək ki, Qrizman ötən mövsüm keçirdiyi 53 oyunda 25 qol vurub və 1 məhsuldar ötürmə verib.
Maradonaya ağır itki
Dünya futbolunun canlı əfsanəsi Dieqo Armando Maradona ağır itki ilə üzləşib. Maradonanın atası dünyasını dəyişib.
Don Dieqo adı ilə tanınan Maradonanın atası uzun müddət əziyyət çəkdiyi xəstəliklə bacarmayıb və 88 yaşında vəfat edib.
Qeyd edək ki, Maradonanın anası 2011-ci ildə 82 yaşında dünyasını dəyişib.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- "Fənərbaxça" tarix yazdı - VİDEO
- Ən son idman xəbərləri
- Rövşən Bayramov finalda! – YENİLƏNİR – FOTO
- Mariya Stadnik gümüş medal qazandı
- Qalatasaray və Fənərbaxça arasında “Super Kubok” Bakıda keçirilə bilər
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (33): |
Botlar | (3): |
Hal-hazırda saytda: 36 |
|