Bu gün İspaniya La Liqasının 29-cu turu çərçivəsində “El Klassiko” – “Real”la “Barselona” arasında derbi oyunu keçirilib.

Azad.Az Qol.Az-a istinadən xəbər verir ki, klublar arasında dünyanın birnömrəli oyunu hesab edilən bu görüş Bakı vaxtı ilə 00.00-da (İspaniya vaxtı ilə 20.00) başlanıb.

Lider “Real” öz meydanındakı bu görüşdə qalib gəlsə, “Barselona” ilə arasındakı xal fərqini yeddiyə yülsəldəcək ki, bu da çempionluq yolunda önəmli bir addım olacaqdı. Hazırda əzəli rəqibi “Real”dan dörd xal geri qalan “Barselona” isə “Real”a çatmaq üçün rəqibini məğlub etməli idi.

Madriddə baş tutan görüşdə qapılara 7 qol vurulub. Sonda 4:3 hesabı ilə qalib gələn Xerardo Martinonun komandası "Real"la xal fərqini 1-ə endirib.

Çempionluq uğrunda yarışan daha bir komanda - "Land of fire Azerbaijan" formalı "Atletiko" bu turda səfərdə autsayder "Betis"in qonağı olub. Rəqibini 2:0 hesabı ilə məğlub edən "Atletiko" liderliyə yüksəlib. 

23 mart

İspaniya La Liqası, 29-cu tur

"Osasuna" - "Sevilya" - 1:2

Qollar: Jayro, 27 (0:1), Bakka, 45-pen (0:2), Akuna, 90 (1:2)

"Betis" - "Atletiko" (Madrid) - 0:2

Qollar: Fernandez, 58 (0:1), Kosta, 64 (0:2)

"Valensiya" - "Vilyareal" - 2:1

Qollar: Fueqo, 35 (1:0), 44 (2:0), Dos Santos, 83 (2:1)

"Real" (Madrid)  - "Barselona" - 3:4

Qollar: İniyesta, 7 (0:1), Benzema, 20 (1:1), 24 (2:1), Messi, 42 (2:2), Ronaldo, 55-pen (3:2), Messi, 65-pen (3:3), 84-pen (3:4)

22 mart

"Qranada" - "Elçe" - 1:0

Qol: Brahimi, 64 (1:0)

"Espanyol" - "Levante" 0:0

"Valyadolid" - "Rayo Valyekano" - 1:1

Qollar: Kastro, 8 (1:0), Bueno, 45 (1:1)

"Atletik" (Bilbao) - "Qetafe" - 1:0

Qol: Laskuray, 40 (1:0)

21 mart

"Selta Viqo"  - "Malaqa" - 0:2

Qollar: Kamaşo, 24 (0:1), 32 (0:2)

25 mart

"Almeriya" - "Real" (Sosyedad)