Mövsümlə əlaqədar indi paytaxt bazarlarında xarici meyvələr yerli məhsullara nisbətən üstünlük təşkil edir. Satıcılar deyir ki, yerli mal yoxdur, hamısı xarici mallardır. Qiymətlərə gəlincə, baha olsa da, bu məhsulların alıcısı da az deyil.
Bəs xaricdən gətirilən meyvələrin keyfiyyəti necə, görünüşü qədər yaxşıdırmı? Milli Ekoloji Proqnozlaşma mərkəzinin rəhbəri Telman Zeynalov ATV-yə açıqlamasında deyib ki, bu irsi dəyişilmiş toxumlardılar: "İlk növbədə sonsuzluq yaradır. İnsanlar başlayırlar özündən asılı olmayaraq şişməyə. Geni dəyişilmiş meyvə nədir? Şaxtaya, istiyə, quraqlığa tab gətirən toxumlardılar. Heyvanların genini qatırlar ora".
Qeyd edək ki, xaricdən idxal olunan meyvələrin ziyanlı olub-olmadığını, geni dəyişdirildiyini bilmək üçünsə laboratoriya şəraitində yoxlamaq lazımdır. Amma bu gün Azərbaycanda bunu həyata keçirmək olmur. Səbəbsə qanunvericilikdir. Qanunvericilik aktual olmadığına görə, məhsulların tərkibinə qarışdırılan genetik modifikasiya olunmuş mənbələrdən alınmış məhsulların laboratoriya təhqiqatı aparılmır.
Kənd Təsərrüfat Nazirliyi çıxış yolu kimi yerli məhsulların yaz aylarına qədər saxlanma imkanlarını artırmaqda görür. Nazirliyin şöbə müdiri Sabir Vəliyev deyir ki, hazırda Azərbaycanda soyuducu anbarlar olsa da, sayca yetərli deyil. Ona görə də yaz aylarında yerli meyvələrin bazara çıxarılması mümkün olmur.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.