Amerikalı alimlərin son araşdırmalarına görə, izafi ruh düşkünlüyü orqanizmdə qocalma proseslərini sürətləndirir. Təlaş və qorxunun, depressiyanın geniş yayılmış forması olan fobik təlaş yaşayan insanlar heç bir səbəb olmadan yüksəklikdən, insanların çox olduğu yerdən və s. qorxurlar. Belə insanların orqanizmlərindəki telomerlərdə fəsadlar yaranır. Telomerlərin ölçüləri orta yaşlı və yaşlı qadınlarda daha qısa olur.
ABŞ-ın Boston şəhərindəki Qadın Hospitalının psixiatrı, professor Oliviya Okereke qocalma prosesinin detallarını, habelə stressin yaşlanmaya necə təsir etdiyini müəyyənləşdirmək üçün tədqiqatlar aparıb.

Məlum olub ki, stress və təlaş insan orqanizmində qocalmanı sürətləndirir, bu zaman telomerlər müstəsna rol oynayır. Telomer orqanizmdə xromosomların qılafındadır və DNT-n təhlükədən qoruyur. İnsan yaşlaşdıqca telomerlər də qısalır. Eyni yaşdakı insanlardan telomerləri qısa olanlarda xərçəng, ürək-damar xəstəlikləri, depressiya və ölüm riskləri daha çox olur.

Professor Okereke yaşları 42-69 arasında olan 5243 qadın üzərində müşahidələr aparıb.

Məlum olub ki, daha çox fobiyası olan qadınlarda telomerlər daha qısa olur.