Qoç - Bu gündən çox şey gözləməyin. Azacıq da olsa ciddi mane ilə rastlaşan kimi başladığınız işləri yarımçıq qoymağa meyllisiniz. Təbiətinizə xas qətiyyət və inad bu gün sizi tərk edib.
Ətrafınızdakılara diqqət edin, işgцzar danışıqlarda şəxsi simpatiyanızı nümayiş etdirməkdən çəkinməyin (təbii ki, qədərində). Ola bilsin ki, məhz yaxşı təəssürat oyatdığınıza görə nüfuzlu bir şəxs sizə dəstək versin.

Buğa - İş üçün yaxşı gündür. İşləmək istəyirsiniz və çətinliklər sizi qorxutmur. Qətiyyət və enerjiniz bir çox mürəkkəb məsələlərin öhdəsindən gəlməkdə sizə kömək edir. Axşam ziyafətdə iştirak edib bir-iki adamın qəlbini yandırıb-yaxa da bilərsiniz.
İnsanlar bu gün işinizə qarışmağı sanki özlərinə məqsəd seçiblər, amma bu, sizə ciddi problem kimi görünmür. Kimsə sizə təzyiq etməyə çalışsa belə, siz öz bildiyiniz kimi hərəkət edirsiniz. Pul ala bilərsiniz.

Əkizlər - İşlərdə bəxtiniz gətirəcək. Xeyli nailiyyət qazanmaq şansınız var. Rəqiblərinizi xeyli geridə qoya, çox nüfuzlu düşmənlərinizə qalib gələ bilərsiniz. Adəti üzrə olduğundan daha çox risk etməyə meyllisiniz, bu isə ciddi itkilərə yol açır.
Güclü intuisiya və fantaziyanız şəxsi problemləri həll etməkdə yardımçınız olur. Sevdiyiniz şəxsə mürəkkəb bir işdə kömək edir, daxili təzadlarını yenməkdə ona kömək olursunuz. Bir sözlə, yaxınlarınızla münasibətlərdə ahəngdarlıq hökm sürür.

Xərçəng - İşlərə ciddi yanaşmağınız sayəsində uğur qazana bilərsiniz. Elə bilməyin ki, qələbə asan olacaq, amma mütləq olacağına inamınızı itirməyin. Gün sizdən təşkilatlanmağı, intizamlı olmağı, vəzifələrinizə məsuliyyətlə yanaşmağı və detallara diqqət yetirməyinizi tələb edir. Dövlət idarələrinin nümayəndələri ilə görüşlərə, yoxlamalara hazır olun.
Maliyyə işlərində gözlənilmədən uğur qazana bilərsiniz. Ola bilər ki, gözləmədiyiniz yerdən pul alasınız. Sevgidə isə bəxtinizin gətirəcəyini demək olmaz, amma ciddi problemlər də gözlənilmir. Dostlarınızın əhatəsində, yaxud ziyafətdə gözəl vaxt keçirə bilərsiniz.

Şir - Gərgin gündür. Evdə də, işdə də işləriniz çoxdur, sizə elə gəlir ki, bunların hamısını çatdırmaq üçün gərək bir neçə yerə bölünəsiniz. Xoşbəxtlikdən, tərəfdaşlarınızın yardımına güvənə bilərsiniz. Qadınlara daha çox karınıza gələcəklər. Uzunmüddətli planlar qura bilərsiniz, onları yerinə yetirmək asan olacaq.
Maliyyə baxımından yaxşı gündür, xeyli pul ala bilərsiniz. Cəsarət və kommersiya fəaliyyətində təşəbbüs təqdir olunur.

Qız - İnadcıl və dözümlü olun, o zaman bir çox sahələrdə ciddi uğur qazana bilərsiniz. Ətrafınızdakılarla asan dil tapırsınız, bu gün etibarlı tərəfdaş və dostlar tapa bilərsiniz. Görüşlər, kütlə qarşısında çıxışlar uğurlu keçir.
Yeni eşq macərasına başlamaq üçün münasib gündür. Xoşunuza gələn adamı görüşə dəvət edib hisslərinizi etiraf edə bilərsiniz. Əgər öz yarınızı artıq tapmısınızsa, ona sürpriz etməyə çalışın.

Tərəzi - Bu gün faktlardan çox, öz illüziya və fantaziyanıza inanırsınız. Üstəlik, ətrafınızdakılar əllərinə düşən fürsətdən istifadə edib, sizi yanıltmağa çalışır, məhz sizin eşitmək istədiyinizi deyirlər. Sizə elə gəlir ki, görüşlər əla keçir, amma sonradan detalları analiz edərkən anlayırsınız ki, yanılmısınız. Yaxşı tanımadığınız adamlarla sıx təmaslar məsləhət deyil.
Yaxınlarınız sizi hövsələdən çıxarırlar, onlarla dil tapmaq asan deyil. Boş şeylərə görə ciddi mübahisələr yarana bilər. Bəzi Tərəzilər onlara tamamilə uyğun gəlməyən insanlara meyl edir, başlarını itirirlər.

Əqrəb - Yeni, maraqlı bir işə başlamaq, özünüzü yeni bir sahədə sınamaq üçün münasib gündür. Yaradıcı potensialınız güclüdür. Xeyli parlaq ideyanız var, bunların bir hissəsini gözlətmədən həyata keçirə bilərsiniz. İri alış-veriş etmək, daşınmaz əmlaka pul yatırmaq olar.
Həm özünüzün, həm başqalarının mürəkkəb problemlərini asanlıqla həll edirsiniz. İntuisiyanız çox güclüdür, bu, şəxsi münasibətlərdə kömək edir. Hədiyyələr, xoş sürprizlər mümkündür. Qarşı cinsin nümayəndələri sizə diqqət göstərirlər.

Oxatan - Gün uğursuz başlayır, ciddi problemlərlə rastlaşırsınız. Planları dəyişmək lazım gəlir, istədiyinizə həmişə nail ola bilmirsiniz. İşgüzar münasibətləri qoruyub saxlamaq üçün güzəştə getməli olursunuz. Rəhbər Oxatanlar tabeliklərində olanlara qarşı dözümlü və ehtiyatlı olmalıdırlar, çünki istənilən sərtlik mənfi reaksiya ilə qarşılanacaq.
Maliyyə durumunuz yaxşı deyil. Ciddi itkilər, uğursuz alış-veriş və yatırımlar mümkündür. Əgər pullarınızı qoruyub saxlamaq istəyirsinizsə, kimsənin onlara nəzarəti ələ keçirməsinə imkan verməyin.

Oğlaq - Xeyli xırda iş bütün diqqətinizi alır, vacib işlərə isə vaxt ayıra bilmirsiniz. Sizi hər dəqiqə işinizdən ayıran insanlara acığınız tutur, amma onlara etiraz edə bilmirsiniz. Tanış qadınlar öz köməklərini təklif edəcəklər, aman, yaxın qoymayın! Hər işi tərsinə çevirib gedəcəklər.
İşlərdə təşəbbüs göstərmək olar, nüfuzlu bir şəxsdən dəstək (eyni zamanda maliyyə yardımı) ala bilərsiniz. Şəxsi münasibətlərdə isə işlər o qədər də yaxşı deyil. Burada yaxşı olar ki, heç bir təşəbbüs göstərməyib, daha yaxşı məqamı gözləyəsiniz.

Dolça - Günün hadisələri sizi sevindirəcək. Uğur və qələbələriniz diqqətdən kənarda qalmır və gözəl ortaq ola biləcək insanlar sizə doğru can atırlar. Faydalı tanışlıqlar mümkündür. Bir çox Dolçalar sonralar yaxşı faydalana biləcəkləri əlaqələr quracaqlar.
Həm işgüzar, həm romantik səfərlər üçün uyğun gündür. Ancaq suda səyahətdən çəkinin. Evdə bədxərcliyiniz səbəbindən problem yarana bilər, maliyyə durumunuz elə də ürəkaçan deyil. Son xərclərinizə diqqət çəkməməyə çalışın.

Balıqlar - Gününüz yaxşı keçir, müsbət tendensiyaların təsiri güclüdür. Əlinizdəki informasiya həddən artıq kiçik olsa da, düzgün qərarlar verirsiniz. İntuisiyanız çox güclüdür, hadisələrin sonrakı inkişafını əvvəlcədən tapırsınız. Ətrafınızdakılar bunu görür və sizdən məsləhət almağa çalışırlar. Yeni biliklər öyrənmək üçün münasib gündür.
Günün ikinci yarısı çox ehtiyatlı olmalısınız. Risklərdən qaçın, təhriklərə uymayın. Düşünülməmiş hərəkətinizin uzunmüddətli və xoş olmayan nəticəsi ola bilər.