Qardirobunuzdakı rəng palitrası kim olduğunuzu əks etdirir. Geyinmək zövq məsələsidir. Buna görə də dəbin özü də incəsənət deməkdir. Atalarımız da boşuna deməyib ki, “İnsanı geyimə görə qarşılayarlar, ağlına görə yola salarlar”. Geyim insanın kim olduğunu izah edən ən əhəmiyyətli detaldır. Stil isə insanın xarakterini əks etdirən əsas elementdir. Geyimlər xarakteriniz haqqında məlumat verir. İlk dəfə rastlaşdığınız insanların sizinlə bağlı fikirləri necə geyindiyinizdən asılıdır. Qardirobla bağlı psixoloji araşdırmalar aparılıb. Məlum olub ki, geyimlər ətrafdakı insanlara səssiz mesaj verir. Bəs seçdiyiniz rənglərin sizi necə izah etdiyini bilirsinizmi?
Qara rənglər – Qardirobunuzda qara geyimlər çoxluq təşkil edirsə, sizin idarəedici xarakterə malik olduğunuz deyə bilərik. İdarələrdə və dövlət işlərində işləyənlərin çoxu qara rəngli geyimlərə üstünlük verir. Rəhbər olmağı həm də sizə hörmət edilməsini sevdiyiniz göstərir. qara rəng çox zərifdir. Amma dəvətlər üçün qara rəng o qədər də ideal deyil. Qardirobunuzda başqa rənglərə də yer verin. Artıq çəkini qara rənglərlər gizlətmək istəyənlərə isə deyə bilərik ki, artıq çəkini kəsim və geyimin stili ilə də gizlədə bilərsiniz.
Sadəliyi sevənlər bəyazdan vaz keçə bilmir – dolabınızda həddindən artıq ağ geyim varsa, təmiz qəlbli insan olduğunuzu deyə bilərik. Bəsit, sadə və rahat həyat tərziniz var. Yalansız və problemsiz münasibətlər qurmağı xoşlayırsınız.
Özünə güvənən qadın boz rəng geyinir – Özünə güvənən, öz üzərində işləyən və inkişaf edən insanların sevimli rəngi bozdur. Boz rəngi sevirsinizsə, “dünyaya mən əhəmiyyətliyəm” mesajını verirsiniz. Cəsur, öz qayda və qanunları ilə yaşayan birisiniz. Özünüzü bəyəndiyinizi deyə bilərik.
Mavi huzurun rəngidir – Rəng terapiyasına görə, mavi pozitivliyi əks etdirir. Mavi sevənlər asanlıqla əsəbiləşmir. Bu rəngi dəli kimi sevirsinizsə, sizə görə həyat yaşamağa dəyər. Problemləri isə zamana buraxır.
Yaşıl da pozitiv və ümidlə doludur – Siz ətrafınızda hər zaman təbəssüm saçan xoşbəxt xaraktersiniz. Əhvalınız hər zaman yüksək olur, həm də lüks həyatı sevirsiniz. Ən ümidsiz anlarda belə qəlbinizdə ümid sönmür.
Əyləncəli qadınlar sarı rəngi sevir – Sarı rəngi sevirsinizsə, olduqca əyləncəli bir tipsiniz. Mühafizəkar fikirlərin üstünə günəş kimi doğaraq öz dünyasını qurur. Monoton həyat tərzini heç sevmirlər. Həm də diqqət çəkməyi xoşlayırlar.
Bənövşəyi rəng – Bənövşəyi rəngi sevənlər, incəsənətlə bağlı olurlar. Fərqli və orijinal geyinməyi xoşlayırlar. Öz stilinizi yaradıb diqqət mərkəzində olmağı bacarırlar.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.