Türkiyənin İstanbul şəhərində “Gəzi Parkı” etirazları artıq 23 gündür ki, davam edir. Ötən gün növbəti dəfə 10 minə yaxın etirazçı Taksim meydanında toplaşaraq bir müddət əvvəl qarşıdurmalar zamanı öldürülən nümayişçilərin xatirəsini yad ediblər.
Yerlərə qərənfil dəstələri düzəzərək hökumətə qarşı şüarlar səsləndirən etirazçılar daha sonra parka daxil olmaq istəsə də, təhlükəsizlik qüvvələrinin müdaxilə ilə qarşılaşıblar. Yaranmış qarşıdurma zamanı polislə müdaxilə edən zorakı şəxslər həbs olunub. Polis zorakılıq törədən şəxsləri təzyiqli su şırnaqları və gözyaşardıcı qazlar ilə dağıtmağa çalışıb.
Axşam saatlarına qədər davam edən toqquşmalarda bir neçə nəfərin xəsarət aldığı bildirilir. Qarşıdurmalar zamanı həbs edilənlər də olub. Taksimdə baş tutan aksiyaya Almaniyanın Köln şəhərindən də dəstək gəlib.
Yerli mediyanın verdiyi məlumata görə, 40 minə yaxın fəal mərkəzi meydanlarda toplaşaraq Türkiyənin baş naziri Rəcəb Tayyib Ərdoğana qarşı şüarlar səsləndirblər. Aksiyada “Qorxu deyil, azadlıq istəyirik”, “Fundamentalist dövlət istəmirik” şüarları yazılmış plakatlar nümayiş olunub.
Ötən gün eyni zamanda, almaniyalı diplomatlarla türkiyəli rəsmilər arasında yaranmış siyasi gərginliyi aradan qaldırmaq məqsədilə də görüşlər baş tutub. Xatırladaq ki, iki gün öncə Alamaniyanın baş naziri Angela Merkelin rəsmi Ankaranı tənqid etməsi Türkiyə hökumətinin sərt reaksiyasına, nəticədə isə iki ölkə arasında siyasi gərginliyin yaranmasına səbəb olmuşdu.
Türkiyənin Baş naziri Rəcəb Tayyip Ərdoğan isə ötən gün Samsun şəhərində tərəfdarları qarşısında çıxış edərək Türkiyəni istəməyən qüvvələrin ölkədə cərəyan edən hadisələrdən sui-istifadə etdiyini bildirib və eyni qüvvələrin Braziliyada da qarışıqlıq törətməyə çalışdığını vurğulayıb: “Türkiyənin rəqibləri hadisələrdən mənfəət əldə ediblər. Ölkə iqtisadiyyatı geriləyib. Türkiyənin turizm həcmi zəifləyib və bu düşmənlərin xeyrinədir. Onlar Türkiyənin imicinə və beynəlxalq gücünə kölgə salıblar. Braziliyaya diqqət edin. Eyni oyunlar orada da oynanılır. Eyni rəmzlər, plakatlar, “Twitter” və “Facebook” və eyni beynəlxalq media təşkilatları eyni mərkəzlər tərəfindən idarə olunur. Türkiyədə bunu edə bilməyənlər, indi Braziliyada aranı qarışdırmağa çalışırlar”, deyə Ərdoğan sözlərini ifadə edib.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Ərdoğan: “Bu iş 24 saat ərzində yekunlaşacaq”
- Putin-Ərdoğan görüşünda qalmaqal yaşanıb (VİDEO)
- Ərdoğan Taksimlə bağlı ilk dəfə danışdı
- “Azərimisin” sözünü təhqir hesab edən türk qıza -1 il həbs
- Türkiyədə baş verən hadisələr və dünyanın buna münasibəti
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (44): |
Botlar | (1): |
Hal-hazırda saytda: 45 |
|