3 yaşlı uşaq televizorun altında qalaraq ölüb (VİDEO)

Körpə xəstəxanaya aparılsa da, həyatını xilas etmək mümkün olmayıb

Binəqədi rayonunda Həsənovlar ailəsində bədbəxt hadisə 3 yaşlı uşağın ölümü ilə nəticələnib. Ötən gün saat 23 radələrində paytaxtın Binəqədi rayonu, Baksol 56 ünvanında 3 yaşlı Həsənov Əli Elbrus oğlu ehtiyatsızlıqdan dünyasını dəyişib. Qonşuların bildirdiyinə görə, uşaq evdə oynayarkən televizor uşağın üstünə aşıb. Qonşuların köməyi ilə Həsənov Əli Elbrus oğlu xəstəxanaya aparılsa da, həyatını xilas etmək mümkün olmayıb. Həsənovlar ailəsi uşağın yas mərasimini babasıgildə keçirdikləri üçün təfərrüatları qonşulardan öyrəndik.

Ruqiyyə Həsənova adlı qonşu da, evdə oynayarkən televizorun uşağın üstünə aşdığını təsdiqlədi.

Qeyd edək ki, Həsənovlar ailəsi Ağdam rayonundan məcburi köçkün düşüblər. 2008-ci ildən Binəqədi rayonu, Baksol 56 ünvanında yerləşən idarə binasında məskunlaşıblar.

 Xatırladaq ki, oxşar hadisə 2012-ci ilin mart ayında Xətai rayon ərazisində baş vermişdi. Nəticədə 2 yaşlı qızcığaz həyatını itirmişdi.

ŞOK! Dayə uşağı döyür (VİDEO)

"YouTube" portalına yüklənən video qalmaqala səbəb olub

Rusiyada dayənin uşaqla kobud davranması əks olunan video çarx "YouTube" videoportalına yüklənib. ANS PRESS-in Rusiya mətbuatına istinadən verdiyi məlumata görə, videoda Larisa adlı qadın və 2 yaşlı qız uşağı görünür. Qadın divanda oturaraq televizora baxır və uşağı arxası ekrana oturdaraq yedirdir. Hərdən isə o, uşağın üstünə qışqıraraq onu vurur.

Sonda dayənin saçını yolduğu uşaq qorxaraq qaçır.

"Biz ona çoxlu pul verirdik. Ona və uşaqlarına hədiyyələr verirdik. Biz uşaqda dəyikliyi oyuncaqlarla oynayanda gördük. O, oyuncaqları bir qırağa atıraq, qışqırırdı. Sonda evə kamera quraşdıraraq dayənin onunla necə kobud davrandığının şahidi olduq", - deyə uşağın valideynləri bildiriblər.

Artıq qızcığazın valideynləri hadisə ilə bağlı müvafiq orqanlara müraciət etmək fikrindədirlər.