“Latsio”nun forvardı Miroslav Kloze bütün futbolçular üçün örnək olacaq hərəkət edib. Alman futbolçu öz səhvini hakimə özü deyib. Belə ki, ötən axşam “Latsio” “San Paulo” stadionunda “Napoli”nin qonağı olub. “Latsio”nun künc zərbəsindən sonra Klozenin vurduğu qol aranı qarışdırıb. “Napoli” futbolçuları qolun ləğv olunmasını tələb edib. Bu zaman hakimə yaxınlaşan alman futbolçu qolu həqiqətən əllə vurduğunu etiraf edib. Bu etirafdan sonra matçın baş hakimi Luka Banti qolu ləğv edib. “Napoli” futbolçuları isə buna görə Klozeyə təşəkkürlərini bildiriblər. Meydan sahiblərinin ulduzu Paolo Kannavaro matçdans onra Klozenin örnək bir davranış sərgilədiyini və “Fair Play” mükafatına layiq olduğunu deyib. Oyun isə “Napoli”nin 3:0 hesablı qələbəsi ilə yekunlaşıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.