Ebru həbsdə olan ərindən danışıb ağladı - Video

Son günlər mətbuatın gündəmindən düşməyən türkiyəli müğənni Ebru Gündəş “O səs Türkiyə” yarışmasında rüşvət qalmaqalı səbəbi ilə həbsxanada olan həyat yoldaşı, cənubi azərbaycanlı iş adamı Rza Zərrab haqda danışıb. 

Gözyaşlarına hakim ola bilməyən müğənni hər kəsdən ona dəstək olmasını istəyib: 

“Çox təəccüblü və qəmgin olduğum bir mövzudur. Rza mənim ərim və uşağımın atasıdır. Biz bir-birimizi çox sevərək evlənmişik. Ailə qurarkən söz verdik ki, yaxşı və pis gündə birlikdə olacağıq. İndi də həyatımızda qaranlıqdır, amma bilirəm ki, hər gecənin bir sabahı var. Bilirəm ki, bunun da bir sabahı var. Daha öncə də bir xəstəliklə üz-üzə qaldım. On gün sonra verilişlərin birinə çıxdım, 3 ay sonra isə səhnəyə qayıtdım. Evlənməmişdən öncə də, evlənəndə də işimi görürdüm, bu gündən sonra da belə olacaq. İnşallah, bu qara günlər tez keçər. Övladımın daha artıq üzülməsini istəmirəm. İndi yalnız cismən burdayam, ruhən isə əsla. Çünki içim qan ağlayır”.

“O səs Türkiyə” yarışmasının münsif kürsüsündə əyləşən Ebru bu hadisələrə görə yarışmanı qoyub getməyəcəyini söyləyib: “Elə bilirdim ki, biz burada sadəcə əylənib gülürdük. Amma gördüm ki, hər şey tək bundan ibarət deyilmiş. Çox sağolun ki, bu günümdə hər biriniz yanımda oldunuz”.

"Ebrunu qucaqlayıb "Sən ağlama" demək istədim"

Türkiyəli müğənni Ebru Gündəş "O səs Türkiyə" mahnı müsabiqəsində həyat yoldaşı Rza Zərrab haqqında danışdıqdan sonra tanınmış sənətçilərdən bir çoxu ona dəstək olub.

Sənətçinin ağlayaraq dediyi sözlər dostlarını təsirləndirib. Buna baxmayaraq, Ebruya kinayəli ismarış yazanlar da olub. 

Sermiyan Midyat (aktyor və ssenarist): "Ağlama, qıya bilmərəm sənə. O ağlayacaq ikinizin yerinə. Uçuş nömrəsi: 4.5 milyon dollar".

Ece Erken (teleaparıcı): "Kim nə səhv edibsə, əlbəttə, cəzalandırılmalıdır. Amma Ebrunun ailəsi ziyan çəkməsin, onların günahı yoxdur ki ..."

Metin Arolat (müğənni): "Ebrunu qucaqlayıb "Sən ağlama" demək keçdi könlümdən".

Asuman Krause (model): "Ebru Gündəş, canım dostum. Yaxşı və pis günündə həmişə yanındayıq.
Səni tanımayanların fikirlərini vecinə də alma".

Yılmaz Morgül (müğənni): "Yanındayam, Ebru Gündəş, səbr et, doğacaq günəş".

Mustafa Altıoklar (rejissor): "Gəzi parkında yaralanan və komada yatan Berkin var, 14 yaşlı oğlan. Çörək almağa gedərkən başından vurulmuşdu. Onun üçün də səsin titrəyibmi?"

Onlar “Yaxşıların yaxşısı” seçildilər

 Gənclər və İdman Nazirliyi, Bakı Şəhər Gənclər və İdman Baş İdarəsinin təşkilatçılığı ilə keçirilən “Yaxşıların yaxşısı - 2013” mükafatları öz sahiblərinə verildi.

“Jumeirah Bilgah Beach Hotel”də baş tutan tədbirdə incəsənət aləminin tanınmış simaları mükafatlandırılıb. 

Gecənin aparıcıları Afaq Gəncəli və İlkin Həsəni olub.

Mükafatçıların siyahısını təqdim edirik:

"İlk dəfə Hollivud ulduzu ilə duet layihəsi" - "Coffee from Colombia" duetinə görə xalq artisti Aygün Kazımova

"İlin ən çox sevilən dueti" - xalq artisti Zülfiyyə Xanbabayeva və Miri Yusif "Dostum"

Əməkdar artist Abbas Bağırov – “Sev məni”

"İlin ən sevilən müğənnisi" - Röya Ayxan

"İlin qlamur müğənnisi" - Sevda Yahyayeva

"İlin konserti" - Zamiq Hüseynov

"İlin siması" - Günay İbrahimli

"İlin hitmeykeri" - Elçin Cəfərov

"İlin ən yaxşı lirik mahnısı" - Ramal İsrafilov "Mən səni bu qədər sevməməliydim"

"İlin çalışqan müğənnisi" - Aysel Əlizadə

"İlin ən işgüzar prodüseri" - Tarix Əliyev

"İlin ən yaxşı xanım aparıcısı" - Afaq Gəncəli

"İlin radio layihəsi" - "Müleyli" şou Kazım Sübhan

"İlin radiosu" - 106.3 FM

"İlin xanım diceyi" - Nurlana Cəfərova

"İlin anşlaq konserti" - "Bu şəhərdə"

"İlin ən dəbli televiziya layihəsi" - "Özünə bax"

"İlin ən yaxşı maqazin verilişi" - "Onlar"

"İlin prodakşını" - "Fire Land production"

"İlin ən yaxşı teleyumoristik layihəsi" - "Bozbaş pictures"

"İlin mahnısı" - Zülfiyyə Xanbabayeva "Sən Azərbaycanlısan"

"İlin ən yaxşı aparıcısı" - İlkin Həsəni

Mükafata layiq görülən xalq artisti Aygün Kazımova, Zülfiyyə Xanbabayeva və müğənni Röya isə mərasimə qatılmayıb.