Tağı Әhmәdov yerin üstündәki mәdәniyyәt normalarından xәbәrsizdir - Video

Tağı müəllimin davranışlarını özündə əks etdirən çoxlu məsələlər var ki, bunu tək biz yox, bütün mətbuat, onların sayəsində də el-aləm bilir

Yəqin ki, metropoliten rəhbəri Tağı Əhmədovla bağli ölkədə sorğu keçirilsəydi, o, mətbuatın düşməni sayılardı. Azərbaycan jurnalistlərinə nümayiş etdirdiyi münasibəti ilə o, bütün rekordları qırıb. Tağı Əhmədov, peşə fəaliyyəti ilə əlaqədar olaraq yerin altında daha çox vaxt keçirir. Görünür, yerin üstündəki mədəniyyət normaları ilə yerin altındakı normalar arasında böyük fərq var. 
Artıq sabahdan başlayaraq, metrostansiyaların giriş və çıxışında qəzetlər üçün satış nöqtələri qoyula bilər. Bunu dövlət başçısı ilə görüşdən sonra qəzet redaktorları əminliklə deyir. Metropoliten rəisi Tağı Əhmədovun nə deyəcəyi isə artıq öz əhəmiyyətini itirir. Çünki, o özü səmimi etiraf edir ki, icraçıdır.
Tağı Əhmədovun kobud tərzdə danışması birinci hal deyil. Təxminən bir neçə gün bundan əvvəl də, o, ANS-in əməkdaşının sualını əsl centlemen kimi qarşılamışdı.
Onda biz abırımızı gözlədik ki, bu məsələni çox da qabartmayaq. Həm də Tağı Əhmədova fürsət verdik ki, bəlkə öz səhvini düzəldə. Amma görünür metropoliten rəisi bundan nəticə çıxarmadı. O, sanki elə belə də lazımmış kimi bu dəfə də bizə öz qabalığını göstərdi. Hansı ki, bu onun tərzi, bəlkə də həyat tərzidir deyə bilmərik, amma bizim tərzimiz deyil. Tağı müəllimin davranışlarını özündə əks etdirən çoxlu məsələlər var ki, bunu tək biz yox, bütün mətbuat, onların sayəsində də el-aləm bilir. Məsələn, bəzi ifadələr var ki, onları hamısı Tağı müəllimin leksikonundandır.
Hər halda Tağı müəllim həqiqətləri deyir. O, metropolitenlə öz mülki kimi davranır. İstədiyinə icazə verir, istəmədiyinə yox.
Tağı Əhmədov bəlkə də fərqində deyil ki, o, lüğətimizə burcutma-filan kimi ifadələri ilə yeni-yeni sözlər gətirib. Amma etiraf edək ki, bu bir qurum rəhbərinə yaraşan danışıq tərzi deyil. Ədəbi dil deyilən bir məfhum da var ki, onu da qəzet və kitablardan öyrənmək olar. Maraqlıdır ki, iynədən tutmuş üsküyə, alt partarından tumuş muncuğa qədər hər şeyin satıldığı metro staniyalarında qəzet-kitabın satışına yasaq var. Bu yasağı isə metropoliten rəisi ona verilən göstərişlə əlaqələndirir. Maraqlıdır ki, Tağı müəllimə isə heç kim bu göstərişi verməyib. Yasaq götürülsə, bəlkə Tağı müəllimin adı üzərindən bəzi ləqəblər də götürülər. Buna ümid edək. 

Video-rolikdə hər şeyi öz gözünüzlə görə bilərsiz..