Heydər Əliyev Fondunun vitse-prezidenti, “Baku” jurnalının baş redaktoru Leyla Əliyeva gənclərə müraciət ünvanlayıb.
Leyla Əliyeva hər kəsi vətəni sevməyə, onun üçün çalışmağa səsləyib. Leyla Əliyevanın rəsmi “Facebook” səhifəsində paylaşılan həmin müraciəti təqdim edirik:
“Mən Azərbaycan Respublikasının müstəqilliyini müdafiə edən Silahlı Qüvvələrə, döyüşçülərə, əsgərlərə, sərhədi mühafizə əməkdaşlarına, eləcə də ictimai və siyasi liderlərə, ziyalılara, hökumət rəsmilərinə - Vətənini sevən hər bir kəsə müraciət edirəm. Bizim gələcəyimiz öz əlimizdədir. Bu gün biz sizinlə birlikdə vətənimizin sahibiyik, torpağımızın, ölkəmizin taleyini özümüz həll etmək şansı qazanmışıq. Qarşımızda dayanan yeganə məsələ bu fürsəti əldən verməməkdir. Onu əldə saxlamalı, müstəqilliyimizi qorumalı, ölkəmizi inkişaf etmiş dövlətlərin səviyyəsinə qaldırmalıyıq. Dünyada layiqli yerimizi tutmalıyıq. Rusiyadakı Azərbaycanlı Gənclər Təşkilatının rəhbəri kimi mən bu tapşırığı özüm üçün borc bilirəm. Ümid edirəm ki, hər bir vətənpərvər azərbaycanlı bunu öz şəxsi vəzifəsi hesab edir”.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.