Elçin özünə ad günü hədiyyəsi etdi 

Bu gün müğənni Elçin Cəfərov 29 yaşını qeyd edir.

Sənətçi doğum gününü təmtəraqlı şəkildə qeyd etməyəcəyini bildirib: 

“Ad günümü ailəmlə və yaxın dostlarımla birlikdə, kameralardan, fotoaparatlardan uzaq bir məkanda keçircəm. Dünən gecədən dostlarımdan təbriklər alıram. Ən dəyərli hədiyyəni isə özüm özümə etmişəm. Bilirsiniz ki, geyimi çox sevirəm. Mağazalara gedib çoxlu paltarlar almışam. Hər dəfə ad günümdə özümə bu cür sürprizlər edirəm. Bütün qarderobumu dəyişirəm”.

Yerli məşhurlar "Möhtəşəm yüz il" qəhrəmanlarının geyimində - Fotolar

Tanınmış teleaparıcı Səxavət Nurun müğənnilər Günay İbrahımli və Aysel Babayeva ilə birgə Sultan Süleyman və hərəmi görünüşündə fotoları yayılıb.

Bu fotolar Türkiyənin Azərbaycan üçün nəzərdə tutulmuş onlayn alış-veriş portalı üçün çəkilib.

Orada olan "Harem Style" fotosesiyasında həmyerlilərimizin şəkilləri yer alıb. İstanbulda Osmanlı sarayında çəkilmiş fotosesiyanın ideya müəllifi Yusuf Eren Yalçındır. Aparıcı maraqlı layihə haqqında fikirlərini bölüşüb:

"Milli geyimləri sevirəm. Mənim öz qarderobumda hələ Muğam Müsabiqəsi üçün tikdirdiyim milli paltarlar var. Amma Osmanlı dövrünə mənsub geyimlərdə fotosessiya ürəyimcə oldu. Özümü çəkiliş müddətində Osmanlı şahzadəsi kimi hiss etdim. Tarixi janrda çəkilən film və ya serialda rol almaq ən böyük arzularımdandır. Günay və Aysellə bakıdan kənarda iş prosesində olmaq çox zövqvericidir. Qızlar kaprizsiz və çox mehribandırlar. Ən əsası, çox istedadlıdırlar. Fotosessiyanin "backstage" variantı isə bu günlərde hazır olacaq."

 

 Manana - "Mən qızıma heç nəyi iki dəfə demirəm"

Əməkdar artist Manana tədbirlərin birində fotokameramıza tuş gəlib.

Sənətçi ailəsindən danışıb. O, qızına qoyduğu qadağalardan söz açıb: 
“Çalışıram, qızımı mehriban, mədəni və savadlı böyüdüm. Ona öyrətmişəm ki, hər şey üçün valideynlərdən icazə almaq lazımdır. Saat on tamam olanda o özü gedib yatır. Mən qızıma heç nəyi iki dəfə demirəm. O hər gecə bizimlə sağollaşanda "Allah sizi qorusun" deyir. İstəyirəm, qızım istedadlı böyüyüb gözəl sənətə sahib olsun. Mən də şükür edirəm ki, belə övladım var. Bu yaxınlarda qızımın 5 yaşı tamam olacaq”.

Manana ikinci dəfə ana olmaq istədiyini də deyib: 
“Hamı məndən soruşur ki, niyə yenidən ana olmursan. Əlbəttə, mən də ikinci dəfə valideyn olmaq istəyirəm. Allahım mənə nə qədər övlad nəsib etsə, qəbulumdur. Amma uşaq böyütmək asan deyil. Artıq qızım böyüyüb. İnşallah, mən də tezliklə yenidən övlad sahibi olmaq istəyirəm”.

Emin dünya ulduzu ilə bir arada

Müğənni-bəstəkar Emin dünyanın tamnınmış gitaraçısı Co Bonamassa ilə görüşüb.

Emin Moskvaya gələn və “Krokus City”də konsert verən gitaraçalan ilə fotolarını sosial şəbəkədə paylaşıb. 

Qeyd edək ki, cütlük ilk dəfə fevralda Los-Ancelesdə bir araya gəlmişdi. Onlar birlikdə “Coming Home” mahnısını ifa etmişdilər.