Aygün Kazımovaya ‘Hürrəm Sultan’ rolunu təklif etdilər

Xalq artisti Aygün Kazımova haqda indiyədək bilinməyən maraqlı məqam ortaya çıxıb.

Müğənni bir neçə il öncə Türkiyənin Star TV kanalında yayımlanan “Möhtəşəm yüz il” serialına çəkilmək üçün təklif alıb.

Serial hələ yayıma başlamamışdan Hürrəm Sultan obrazı məhz Aygün Kazımovaya təklif olunub. Təklif “STAR TV”nin rəhbərliyi tərəfindən gəlib. Belə ki, kanalın ovaxtkı rəhbəri Faruk Bayhan Aygün Kazımova və divanın eks meneceri, “Best Model of the World” yarışmanın prezidenti Erkan Özərman ilə bu rol barədə danışıqlar aparıb. Hətta sənətçinin ekran işi üçün geyimlərini azərbaycanlı modelyer Leyla Əhmədova hazırlayacaqmış. İşbirliyinin alınmamasına səbəb isə filmin “Star TV” ilə anlaşmasının baş tutmaması olub. Belə ki, serial ilk olaraq “Show TV” tərəfindən çəkilməyə başlayıb.

Xəbəri Aygün Kazımova özü də təsdiqləyib. O, həmin ərəfədə bu barədə mətbuata açıqlama verdiyini bildirib.

Məşhur cütlüyün oğlu oldu

Həmkarı Kıvanç Kasabalı ilə evli olan Sədəf Avcı ilk körpəsini dünyaya gətirib.

Səhərə yaxın oğullarını qucaqlarına alan cütlük körpəyə Can adını verib.

Cütlüyün yaxın dostları Songül Öden və Burçin Dərzioğlu xəbəri “Twitter”dən paylaşıb.

Dərzioğlu: “Həyata bir CAN da gəldi, səfa gəldi, xoş gəldi ... Sağlam, dinc, xoşbəxt ömürünüz olsun. Bütün dualar Can körpəyə”

Songül Öden: “Sevgili Sədəf Avcı və Kıvanç Kasabalının oğulları bu gün dünyaya gəldi... azad, şərəfli həyatın olsun bala”

O da tükənmişlik sindromuna tutuldu

Son işi "20 dakika" serialındakı baş rol olan məşhur aktrisa Tuba Büyüküstün pərəstişkarlarını pərişan qoyacaq qərar qəbul edib.

Aktrisanın dediyinə görə, seriallardakı iş vaxtının həddən artıq uzun olduğu üçün ifrat dərəcədə yorulub, tükənmişlik sindromuna mübtəla olub.

T.Büyüküstün "Muhteşem yüzyıl"da Hürrəm Sultan rolu ilə fenomenal populyarlıq qazanan, sonra da tükənmişlik sindromuna tutulduğunu deyərək işini yarımçıq qoyan və Almaniyaya qayıdan Məryəm Üzerlinin "yaşadığı problemlərlə qarşılaşdığını" vurğulayıb.

"Eynən onun kimiyəm. Bu mövsüm heç bir seriala çəkilməməyə qərar verdim. Bir müddət dincələcəyəm. Gözəl layihələr var, amma istirahətə ehtiyac duyuram", - aktrisa söyləyib.

T.Büyüküstünün sözlərinə görə, istirahət zamanı yalnız reklam filmlərinə çəkiləcək, uşaqlarına daha çox vaxt ayıracaq.

2 il əvvəl aktyor Onur Saylakla ailə qurmuş aktrisanın Toprak və Maya adlı əkiz övladları var.