“Hürrəm” erməni, Kıvanç azərbaycanlı rolunda

“Möhtəşəm yüz il”dən ayrılaraq Almaniyaya yollanan aktrisa Məryəm Üzərli Kıvanç Tatlıtuğla eyni serialda rol alacaq.

Bu barədə Türkiyə mətbuatı yazıb.

Yazıda bildirilir ki, serialın çəkilişlərinə 2014-cü ilin fevral ayında başlanılacağı gözlənilir.

Serial azərbaycanlı oğlanla erməni qızın eşq hekayəsindən bəhs edəcək.

Əgər iddialar doğru olsa, gələn ilin sentyabr ayında “Kanal D”də serialın yayımına start veriləcək.

* * *

Müğənnidən övladı haqda inanılmaz açıqlama

İngiltərəli məşhur müğənni Robi Uilyams şok açıqlama verib.

Türk əsilli Ayda Field ilə evli olan Uilyams 9 aylıq övladı Teddinin böyüməsini səbirsizliklə gözlədiyini deyib.

O bildirib ki, tezliklə qızıyla birgə narkotikdən istifadə etməyi arzulayır:

“Qızımın da mənim kimi narkotiki sevəcəyindən əminəm. Onun qaydalara riayət edən gənc olmasını istəmirəm”.

Qeyd edək ki, 39 yaşlı Uilyams içki və narkotik asılılığından müalicə olunur.

* * *

Bu gün pop-kralı Maykl Ceksonun xatirə günüdür.

Bu gün pop-kralı Maykl Ceksonun xatirə günüdür. Dünya şöhrətli müğənninin ölümündən 4 il ötsə də onun yerini heç kim tuta bilmir nə epatajlı Lady Gaga, nə qızların sevimli gənc Castin Biber, nə də digər məşhurlar.
Maykl Cekson 2009-cu ilin 25 iyun tarixində 51 yaşında Los-Ancelesdə Holmbi-Hillzdə yerləşən igamətgahında dünyasını dəyişib. Pop-kralı üçün həkimlər cağırılsa da, təcili yardım gələndən 3 dəqiqə sonra o, dünyasını dəyişib. Baxmayaraq ki, onun ölümündən artıq 4 il ötür, amma mütəmadi olaraq KİV-də onun ölümünün müxtəlif səbəbləri açıqlanır. Son günlər isə mətbuatda ekspertlər onun ölümü ilə bağlı yeni versiyalar üzə çıxarıblar. Belə ki, eskpertlərin fikrincə müğənninin ölümünə səbəb yuxusuzluq ola bilərdi.
Beləliklə də M. Cekson 2 ay davam edən yuxusuzluqdan ölən şəxs kimi elm tarixinə düşən ilk məşhur olacaq. Harvard Universitetinin professoru Çarlz Çeyzlerin sözlərinə görə, müğənni ilə işləyən şəxslər onun yuxusuzluqdan əziyyət çəkdiyini təsdiq ediblər. Qeyd edək ki, müğənninin həkimi Konrad Mürrey ona güclü təsirə malik olan dərmanlar verməklə ölümünə yol açdığına görə 4 il azadlıqdan məhrum edilib. Professor Çeyzler Maykl Ceksonun ölümünün artıq dozadan yox, uzun müddət davam edən yuxusuzluqdan baş verməsi fikrində israrlıdır.
Qeyd edək ki, pop-kralı 1958-ci ilin 29 avqustunda anadan olub. İki övladı var.