Dima Bilan - Nigar Camal: “Qucaqla məni” Rusiyanın məşhur müğənnisi Dima Bilan Bakıda keçiriləcək “Eurovision-2012” Mahnı Müsabiqəsi çərçivəsində mayın 24-də “Bakı Kristal Zal”ında qonaq qismində çıxış edəcək.
Bunu Bilan özü jurnalistlərə açıqlamasında söyləyib. Dima Bilan “Eurvision 2011”in qalibi Nigar Camalla duet də oxuyacağını deyib: “Eurovision-2012” Mahnı Müsabiqəsinin Təşkilat Komitəsi məni mayın 24-də - ikinci yarımfinal zamanı çıxış etməyə dəvət edib. Sürpriz olacaq, bu barədə indi danışmaq istəmirəm. Mayın 23-də isə mən keçən il müsabiqənin qalibi olan Nigar Camalla duet oxuyacağam. Bizim duetin böyük təqdimatı olacaq. Mən Nigar Camalla Azərbaycanda keçən il tanış olmuşam. Nigar çox yaxşı qızdır. Biz “Qucaqla məni” mahnısını oxuyacağıq”.
Dima Bilan nə üçün Yulya Volkovoya ilə yox, Nigarla duet oxuması barədə də suala cavab verib: “Yulya bizim digər dostumuzdur. Prinsipcə, Yulya ilə “Back to her future” mahnısı ilə bağlı seçim turunda birgə çıxışımızdan razıyam. Ancaq bizə istədiyimiz nömrəni göstərmək müyəssər olmadı, mən qastrollarda oldum, təyyarədən təyyarəyə keçdim. Vaxtım çatmadı. Sözsüz ki, ikinci yeri tutmağımız xoş olmadı. Bakıda isə olacağam. İnanın, mən həm də Münsiflər Heyətində olacağam. Mənim başıma hər şey gəldi. Qalib gəldim, məğlub oldum, birinci, ikinci yeri tutdum. İndi tam seçim zamanıdır”.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.