Bakıda siqaret əleyhinə filmlər festivalı keçirilir

Bakıda ilk dəfə 31 May - Beynəlxalq Tütün Əleyhinə Mübarizə Günündə "No Smoking" Film Festival gerçəkləşəcək. ANS PRESS-in məlumatına görə, festival "Addım" Yaradıcı Gənclər Assosiyasının Təşkilatçılığı ilə Park Cinema Kinoteatrlar şəbəkəsində keçirilir. Festivalın təşkilatçılarından biri xalq artisti Brilliant Dadaşova və digər tərəfdən isə tədbirin təşkilatçısı olan "Addım"ın təsisçisiləri qismində "Eurovision" qalibi Eldar Qasımov, Hüseyn Cavadzadə, Ülkər Qasımova, Murad Qasımov, Kamran Cavadzadə da iştirak ediblər. Mətbuat konfransında xalq artisti Brilliant xanım canfəşanlıqla siqaretin əleyhinə danışıb, Eldar Qasımov layihədən məlumat verib. Festivalın direktoru Hüseyn Cavadzadə mətbuat nümayəndələrinə bu kinofestivalın çox möhtəşəm keçiriləcəyini vəd verib.

Qeyd edək ki, festival siqaret əleyhinə çəkilən qısametrajı filmlər müsabiqəsidir. Peşəkarlardan ibarət münsiflər heyyətinin seçəcəyi qaliblər 31 mayda gerçəkləşən möhtəşəm gala gecəsində "Sony Xpreia" androidləri və Antalyaya səyahət qazanacaqlar. Layihənin promo videosunda Flora Kərimova, Murad Dadaşov, Brilliant Dadaşova, Həmidə Ömərova, Eldar Qasımov, Sabina Babayeva, Firdovsi Atakişiyev, Elnarə Xəlilova, Azəri qizi Günel, Elnur Məmmədov, Elza Seyidcahan, Namiq Qaraçuxurlu, Feliks Vişnevetskiy, Səxavət Nur, Aytən Səfərova, Hüsniyyə Məhərrəmova çəkilib.

Mətbuat nümayəndələri tərəfindən alqışlarla qarşılanan videonun digər sosial reklamlardan fərqi burada iştirak edən məşhurların özləri haqda etiraf etdikləri xoşagəlməz fikirlər olub.