Müğənni Röya Rəqsanəyə əsəbiləşib.

Rəqsanənin “ATV maqazin” verilişində “Uğursuzluq insanın özündədir. Mən Aygünü də, Röyanı da çox sevirəm. Amma gəlib Türkiyədə bir mahnı oxuyub, klip çəkdirməklə tanınmaq olmur. Gərək uzun müddət burada qalasan” sözləri Röyanı özündən çıxarıb. 

Müğənni “Onlar” verilişinə açıqlamasında qarşı tərəfin ünvanına sərt sözlər deyib:

“O insanın özü uğursuzdu. Sən hansı haqla mənim zəhmətimi, əməyimi yerə vurursan? Hamı onu yaxşı tanıyır”.

☆ ☆ ☆ 

Son vaxtlar qalmaqalları ilə gündəmə gələn gənc müğənni Castin Bieber hər kəsi özündən çıxarıb.

Sənətçinin narkotik maddə istifadə etməsi, hər gün kiminləsə dalaşması işçi heyətini bezdirib. 

Müğənninin konsertlərə gecikməsi və ya sərxoş gəlməsi iş təkliflərinin sayını da azaldıb. Castinin meneceri bu gedişlə müğənninin iki ildən sonra tamamilə unudulacağını, karyerasının məhv olacağını və müflisləşəcəyini deyib.

☆ ☆ ☆ 

  Röya pərəstişkarları yenə də fəallıqları ilə gündəmdədirlər.

Fanatlar bu dəfə yeni müsabiqə keçirəcəklər. Müsabiqədə hər kəs 2 dəqiqəlik video görüntü hazırlayıb göndərməlidir. Ən çox bəyənilən rolik qalib hesab olunacaq. 
Qalibə isə Röyanın öz imzası olan “Göndər” albomu hədiyyə olunacaq.

☆ ☆ ☆ 

Rəqqasə Fatimə 35 yaşına sürprizlərlə qədəm qoyub .

Ad günündə yaxınları onun evinin qarşısını şamlar, şarlar və hədiyyələrlə bəzəyiblər. Bu sürprizi ona meneceri Ləman Babayeva edib. Bu sürprizdə ona müğənnilər Günay İbrahimli, Sevinc Ağaşirinova prodüser Təranə Səmədova və prodüseri Aysel də dəstək olub . Rəqqasə bu günü heç zaman unutmayacağını diqqətə çatdırıb: “Bütün dostlarıma, yəni sürprizi təşkil edənlərə, Ləmana və bu gün mənim evimə təşrif buyuran hər kəsə sonsuz təşəkkürümü bildirirəm. Çox sağ olun ki, məni fərqli təbrik etdiniz. Hələ mənim doğum günümdə belə sürprizlə rastlaşmamışdım. Bu sürprizi unutmayacağam”.

Onu da qeyd edək ki, rəqqasə ona hədiyyə olunan zinət əşyasına daha çox önəm verdiyini söyləyib: “Mənə verilən hədiyyələr arasında bir zinət əşyası var . Bunu mənə özəl olan bir insan verib, kimliyini söyləməyəcəyəm. Ancaq demək istəyirəm ki, ən böyük hədiyyəm övladlarımdır .” - deyə rəqqasə bildirib.