Röya hələ ki, 1-cidir

Müğənnilərimiz türk və əcnəbi sənətçilərlə yarışır

Məşhur müğənni Röya Ayxan Türkiyənin www.sizcene.com internet saytının keçirdiyi sorğuda “En İyi Çıkış Yapan Kadın Sanatçı 2012” nominasiyasında liderdir. Azərbaycanlı müğənni sorğuda adları keçən Hadisə, Funda Arar, Bengü, Demet Akalın, Sıla, Hande yener kimi məşhurları üstələyərək hazırda 156 xala sahibdir. Qeyd edək ki, Röya portalda yer alan digər nominasiyalarda da həm türk, həm də əcnəbi ölkələrin məşhurları ilə yarışır. Müğənni “En iyi yabancı kadın şarkıcı” nominasiyasında 7-ci, “Dünyanın en iyi kadın şarkıcıları” nominasiyasında 2-ci, “Hangisinin sesi daha güzel” nominasiyasında yenə 2-ci, “En iyi Diva” nominasiyasında 8-ci, “En güzel sesli sanatçı” nominasiyasında 5-ci yerlərə sahibdir.
 Qeyd edək ki, sözügedən portalda yer alan bir çox nominasiyalarda nominantlar sırasında xalq artistləri Flora Kərimova, Brilliant Dadaşova, Aygün Kazımova, Faiq Ağayev, Zülfiyyə Xanbabayevanın da namizədliyi var.

Pərviz və Sevda yenidən bir arada - VİDEO

Bəstəkar hitlərinin uğurundan danışır

Öz hitləri ilə müğənniləri özünə cəlb edən bəstəkar Pərviz Mahmudov yaradıcı fəaliyyətini davam etdirir. Bəstəkar müğənni Sevda Yəhyayeva ilə yeni hitinə imza atıb. Bu barədə Pərviz açıqlama verib. Şairə Leyli İsrafilovanın sözlərinə yazılmış “De mənə” adlı yeni bəstənin aranjimanı Elvin Musayevə aiddir. Pərvizin bildirdiyinə görə bu, Sevda ilə altıncı işbirliyidir: “Sevda ilə işbirliyim uğurlu alınır. Onun ifasında səslənən “O zaman” mahnısı hər ikimizə uğur gətirdi. Daha sonra Sevdanın ifasında səslənən bəstələri mənə aid “Buz kimi”, “Sənsiz”, “Saxta”, “Sən” mahnıları da bizə uğur gətirdi. O sarıdan işbirliyimiz davam edir”.