Aybəniz Haşımova xaricə yollanır.

Azərbaycanın əməkdar artisti Aybəniz Haşımova qızı Aynişanın yaradıcılığı haqda danışıb.

O, qızının bir çox yenilikləri olduğunu deyib.

Əməkdar artist Aynişanın daima öz üzərində işlədiyini deyib: "Aynişanın bir çox yenilikləri var. Yeni mahnılar üzərində çalışır. Ümumiyyətlə, qızım çox bacarıqlıdır. Eyni zamanda da çalışqandır. 2013-cü ildə də bir çox yenilikləri olacaq".

Qeyd edək ki, Aybəniz xanım Yeni ili qızı ilə xarici ölkədə qarşılayacaq.

 Safuranın fotoları yayıldı.

Safura Əlizadə Yeni ilin ilk günlərini maraqlı keçirməyə qərar verib.

Müğənni Safura Əlizadə Yeni ilin ilk günlərini maraqlı keçirməyə qərar verib.Sənətçi facebook səhifəsində yazıb ki, dekabrın 31-ini Bakıda başa vurub, yeni təqvimdə Moskvaya üz tutacaq. O, Moskva səfərini sırf istirahət üçün seçib.

Mahnı ifaçısı yenilik etdiyini də bildirib. Səhifəsində yazıb ki, bu günlərdə yeni mahı yazdırıb. Söz və musiqisi özünə məxsus olan mahnı Azərbaycan dilindədir. Aranjeman işi Elvin Musayevə məxsusdur. Safura yeni mahnısının ritmik olduğunu qeyd edib.

Röyanı zəif ifaçı adlandırdı.

 Hatəm Nəbioğlu müğənnilərin əksəriyyətini tənqid edib.

Azərbaycan Rəssamlar İttifaqının üzvü və bəstəkar Hatəm Nəbioğlu müğənnilərin əksəriyyətini tənqid edib. Bəstəkar açıqlamasında bildirib ki, həmin müğənnilərin 3 qəpiklik sənəti də yoxdur.

H.Nəbioğlu Türkiyə şou-biznesinə qatılan müğənni Röya Ayxanı zəif ifaçı adlandırıb. Onun sözlərinə görə, Röya təqdimatda güclüdür, amma sıradan bir müğənnidir: “Telekanallara sözüm odur ki, pulla iş görmələrinə qarşı gəlmirəm. Amma sənəti olanları göstərsinlər. Dünya səhnəsinə çıxarılacaq müğənnimiz yoxdur. Röya rəsmən Türkiyə şou-biznesinə qatılsa da, mənim fikrimcə Röyadan da güclü səsə sahib olan müğənnilərimiz var. Röya pərdənin arxasında qalan müğınnilərin çoxundan zəifdir".