Röya Rihannaya çevrildi
Türkiyədə fəaliyyətini davam etdirən Röya Rihannaya bənzəyib.
Müğənni Röya Ayxanın Türkiyədə yaradıcılıq fəaliyyətinə başlayacağını türk mətbuatı da təsdiqləyib. Gözəlliyi ilə Röya “Azərbaycanın Rihannası” kimi təqdim edilib.
Məlumatda qeyd olunub ki, Azərbaycanda müğənni, aktrisa və model kimi böyük şöhrət qazanan Röya, Türkiyədəki ilk albomunun hazırlıqlarını tamamlayıb.
Röyanın “Göndər” adlı tək mahnılıq sinql albomu üzərində məşhur musiqiçilərlə birgə çalışdığı yazılıb: ““DMC” musiqi etiketiylə hazırlanan “Göndər” adlı tək mahnılıq sinqlın eyni adı daşıyan mahnısının sözləri və musiqisi Soner Sarıkabadayıya məxsusdur. Mahnının akustik versiyasını Mustafa Ceceli, remiks versiyasını isə Kaan Gökman hazırlayıb”.

Həmçinin xəbərdə Röyanın səhnə fəaliyyətinin qısa tarixçəsi də yer alıb. Bildirilib ki, Bakıda dünyaya gələn və 1999-cu ildə “W-Trio” musiqi qrupu ilə peşəkar ifaya başlayan Röya 2002-ci ildə bu qrupdan ayrılaraq musiqi dünyasında öz qanadları ilə uçmağa başlayıb: “Burada qısa müddətdə məşhur olmağı bacaran, mahnıları, səsi, gözəlliyi ilə diqqəti çəkən Röya öz ölkəsində çox ciddi bir fanat kütləsinə sahib olub”.
Türk mətbuatı müğənninin Azərbaycanda qazandığı uğurları Türkiyədə də təkrarlayacağına iddialı olduğunu yazıb:
“Bu günə qədər bir çox albomu ilə uğur qazanan və tutduğu yüksək satış qrafikiylə fərqini ortaya qoymağı bacaran Röya artıq yeni işlərini Türkiyədə hazırlamağı, buradakı musiqisevərlərlə görüşməyi planlaşdırır. Röya uzun hazırlıq müddətindən sonra gəldiyi Türkiyədə türk dinləyicisiylə güclü bir sinerji yaxalayacağına inanır”.

Kıvanç Tatlıtuğ Ərdoğanı tərifləyib
Türkiyənin məşhur aktyoru Kıvanç Tatlıtuğ 'Kelebeğin Rüyası' filmində birlikdə işlədiyi Yılmaz Ərdoğanı Misirdə yayımlanan "Al Həyat" kanalına verdiyi açıqlamada tərifləyib.
“Bütün aktyorlar onunla işləməlidir. Ondan çox şey öyrəndim. Orada keçirdiyim günləri unuda bilmərəm”.
Məşhur aktyor Ərdoğanın rejissorluğunu da tərifləyib:
"Eyni zamanda aktyor olduğu üçün onunla işləmək çox rahatdır. Çünki oyunçunun psixologiyasını yaxşı anlayır. Lazım olsa, sizin üçün çəkilişi dayandırıb dəstək verir. Bu filmdə işlədiyim üçün çox qürurlanıram”.

Azərbaycanlı müğənni ilk dəfə oğlunu efirə çıxardı

SİA yazır ki, Azərbaycan estradasının tanınmış müğənnisi Yeganə ilk dəfə olaraq oğlu Ömərlə birlikdə Lider TV-də yayımlanan "Pərdə" verilişinin efirində görünüb. 
Müğənni oğlunun dəcəlliyindən olduqca səmimi şəkildə danışıb: “Ömər məni hədsiz çox istəyir. Məni verilişlərdə görəndə ekranın qarşısında dayanır. 
İmkan vermir ki, anamgil izləsinlər. Çəkilişlərə gedən zaman isə çalışıram ki, evdən çıxanda görməsin. Çünki evdən getdiyimi görəndə ağlayır ki, onu da özümlə birgə aparım. Onu da deyim ki, Ömər futbolu çox sevir”.