Milli.Az xəbər verir ki, “Olanlar keçmişdə qaldı” devizini əllərində tutan cütlük xoşbəxt həyatlarını yaşayırlar. Tanınmış azərbaycanlı model Günay Musayeva həyat yoldaşı Tolga Kareldən daha bir şokedici etiraf alıb. Musayevanın rəsmi Facebook profilində Tolga hamiləliyinin səkkizinci ayını yaşayan gözəl xanımına xoş sözlərini yazıb. Fikrini cəmləşdirsək, bu mənanı verər: “Səni sevirəm və olanlara baxmayaraq, üzümü güldürən yeganə qadın sənsən. Xoşbəxt olmağın üçün əlimdən gələni etməyə hazıram...”

Həyat yoldaşının yazdığı xoş sözlərdən xəbərsiz olan Günay, Milli.Az-ın əməkdaşının İstanbula etdiyi telefon zəngindən sonra baş verənlər haqqında məlumat əldə etdi. “İnanın oxumamışam, Tolga sevir sürprizlər etməyi. Mütləq oxuyacağam, vAllah vaxt azlığından internetdən əvvəlki kimi istifadə etmirəm. Bu özəl bayram günlərində mənə telefon açdınız, məmnun oldum. Sabah bayram axşamında bütün ailələr süfrə başına toplanacaq. Fürsətdən istifadə edib Azərbaycandakı doğmalarım olmaqla bütün xalqımızı əziz Novruz gecəsinin gəlişi münasibəti ilə öncədən təbrik edirəm. Söz verirəm, övladımı sağ-salamat dünyaya gətirdikdən sonra ailə olaraq gələcəyimiz ilk şəhər Bakımız olacaq. İstanbulda qəribçilik çəkməsəm də hamınız üçün çox darıxıram...”