Bu Barədə N. Eminoğlu bildirib ki, Türkiyənin tanınmış müğənnisi Sibel Can Bakıya gələcək. Oktyabrın 6-da baş tutacaq konsertin bütün hazırlıqları başa çatıb: “Konsertlə bağlı bütün işlər və danışıqlar artıq həll olunub. Bircə konsertin keçiriləcəyi məkan ilə bağlı hələ danışıqlar gedir”.

Türkiyənin meqa-starı Tarkan Azərbaycanda növbəti konsertinə hazırlaşır.

Bu dəfə sənətçi paytaxtda deyil, Qəbələdə çoxsaylı pərəstişkarlarının qarşısına çıxacaq. Tarkanın Qəbələdəki konsertini təşkil edən “Səs Organization”un rəhbəri Nahid Emiloğlu APA-ya açıqlamasında bildirib ki, meqa-star avqustun sonuncu dekadasında Qəbələdə çıxış edəcək. Təşkilatçı artıq bununla bağlı müvafiq danışıqların aparıldığını və hazırda konsertin proqramının hazırlandığını deyib.

Təşkilatçı müğənninin menecerinin daha bir məsələyə münasibətini açıqlayıb: “Bu günlərdə Azərbaycanda yeni bir müğənni, Mila Tarkanla işbirliyində olduğunu və artıq bununla bağlı danışıqların baş tutduğu dedi. Tarkanın meneceri ilə söhbətimiz zamanı, o belə bir əməkdaşlığın nəzərdə tutulmadığını, ümumiyyətlə, onların belə bir məsələdən xəbərləri olmadığını açıqladı. Bu cür yanlış informasiyalarla gündəmə gəlmək və tamaşaçıları aldatmaq çox səhv bir yoldur”.