İbrahim Tatlısəs hələ belə sevinməmişdi

Ötən il məruz qaldığı silahlı sui-qəsd cəhdindən sonra başından güllə yarası alan və o vaxtdan bəri uzun-uzadı müalicə olunan müğənni İbrahim Tatlısəs həyatının ən xoş günlərini yaşadığını deyir.

Türkiyənin ən populyar sənətçilərindən biri, "İmperator" kimi tanınan İbrahim Tatlısəs xaricdə təhsillə bağlı tez-tez "Urfada Oksford Universiteti vardı, biz oxumadıq?!" deyərdi. O, yaxşı ali təhsil ala bilmədiyinə həmişə heyfsilənirdi.

İndi isə "İmperator" qürrələnir.
Çünki Tatlısəsin 20 yaşlı oğlu İdo Tatlısəs dünyanın ən nüfuzlu ali təhsil müəssisələrindən birində - ABŞ-dakı Berkli Musiqi Kollecində oxuyacaq. Bu kollecin məzunları arasında Ahmet Güvenç, Aydın Esen və Arif Mardin kimi tanınmış sənətçilər də var.

Oğlu Amerikaya yollanmazdan əvvəl Tatlısəs İstanbulda, ona məxsus kababxanalardan birində İdo ilə nahar edib.

"Hələ belə sevinməmişdim", - deyən Tatlısəs çox kövrəlmişdi.
Atası ilə nahar edəndən sonra İdo Tatlısəs anası Derya Tuna ilə İstanbul Beynəlxalq Hava Limanına yollanıb, orada da təyyarəyə oturaraq ABŞ-a uçub.

Bieberə "məni kar etdin" iddiası
Justin, Amerikalı bir pərəstişkarının anası tərəfindən məhkəməyə verildi. Səbəb isə qadının onun konserti zamanı kar olduğudur.
ABŞ-ın Oregon əyalətində yaşayan Stacey Vilson məşhur müğənni Justin Bieber'in konsertinə getdikdən sonra eşitmə bacarığını tamamilə itirdiyini ifadə edərək Biebere və şirkətə 9 milyon dollarlıq iddia açdı. Qulaqlarındakı səslərdən heç cür xilas ola bilmədiyini söyləyən Vilson sözlərinə belə davam etdi: Qulağımdan elə səslər gəlir ki, o səslərdən ötəri heç yata bilmirəm.

Azərbaycanlı milyonçudan Ebru Gündəşə yeni hədiyyə

Türkiyənin populyar müğənnilərindən biri Ebru Gündəş dünən Şimali Kipr Türk Respublikasındakı "Kıbrıs Savoy" otelində konsert verib.

Otel Gündəş üçün məxsusi olaraq İstanbula təyyarə yollasa da, müğənni əri, azərbaycanlı milyonçu Reza Zərrabın ona aldığı reaktiv təyyarəni seçib və Kıbrısa yollanıb.

Gündeş səhnədə olarkən qulaqlarında yeni sırğalar vardı.
Deyilənə görə, Zərrab bu sırğaları Birləşmiş Ərəb Əmirliklərinin Dubay şəhərində 50 min dollara hazırlatdırıb.

Bundan başqa, Gündeşin səhnədə istifadə etdiyi əşyaların az qala hamısı "Swarovski" büllurları ilə bəzədilmişdi.

Tolik: "Röya qalmaqal etməsə, yaddan çıxar"

Elman Bakuvinin təqdimatında efirə gedən "Start" verilişində prodüser Tolik deyib.

Qalmaqallı prodüser Azərbaycanda müğənniləri sənətdən daha çox pulun maraqlandırdığını deyib: “Albom buraxmaq, fəxri ad almaq, Azərbaycanı başqa ölkərə də təmsil etmək yerli müğənnilər üçün elə də vacib deyil. Onlar yalnız pul qazanmağı, ailəsinə, uşağına maşın, villa almağı düşünürlər”.

Son zamanlar Aygün Kazımova ilə Röya arasında olan problemlərə toxunan Tolik bunun yalnız Röyaya lazım olduğunu deyib: “Röya qalmaqalsız Röya deyil. Ürəkli müğənnidir, ancaq eyni janrda manhnılar dinləyicini bezdirir. Qalmaqal Röyaya həmişə lazımdır. O, qalmaqal etməsə, yaddan çıxar”.