Tarkan Azərbaycanlı bəstəkarın mahnısını təqdim edəcək

Azərbaycanlı şair: "Tarkan iyul ayında Qəbələ şəhərində verəcəyi solo konsertində mahnını xüsusi təqdim edəcək".

Türkiyənin populyar müğənnisi Sərdar Ortac Bakıda klip çəkdirib.  B.Vəziroğlu bildirib ki, müğənni Bakıda ifa etdiyi sözləri özünə, musiqisi Kamala məxsus olan “Gəlsən də, gəlməsən də!” mahnısına klip çəkdirib. O, klipin bəzi çəkilişlərini paytaxtda aparıldığını deyib:
“Sərdar Ortac Bakıda verdiyi sonuncu konsert proqramında elan etdi ki, sözləri Baba Vəziroğluna, musiqisi Kamala məxsus olan “Gəlsən də, gəlməsən də!” mahnısını ifa edəcək. Müğənni mahnını ifa edib. Klip çəkilişlərinə də başlanılıb. Mahnını Sərdar Ortac yeni aranjemanda təqdim edəcək. Sərdar Bakıda olduğu ərəfədə şəhərimizdə klipin bəzi çəkilişləri oldu. Klipin Qalan çəkilişləri də Türkiyədə olacaq. O, mahnını albomuna da daxil edib. Klipin təqdimatı payız aylarına təsadüf edəcək”.
B.Vəziroğlu onu da qeyd edib ki, Türkiyənin populyar müğənnisi olan Tarkan da eynilə sözləri özünə, musiqisi Kamala məxsus olan “Səndən nigaranam” mahnısını ifa edib.
“Tarkan iyul ayında Qəbələ şəhərində verəcəyi solo konsertində mahnını xüsusi təqdim edəcək. Bütün bu layihələrin baş prodüseri Nahid Emiloğludur”, - şair deyib.

İmperator otelini satır

Ötən il sui-qəsdə məruz qalandan sonra başından güllə yarası alan və indiyədək müalicə alan məşhur müğənni İbrahim Tatlıses otellərindən birini satışa çıxarıb.

"Milliyet" bildirir ki, 4 ulduzlu otel Kuşadasındadır.
Tatlıses 2 il əvvəl "Doğtaş" firması ilə məhkəmə çəkişməsində olduğundan 9 milyon dollara satışa çıxardığı otelini sata bilməmişdi.
Amma bu dəfə "İmperator" oteli mütləq satmaq niyyətindədir.
159 otaq, 500 nəfərlik konfrans salonu olan otel 7 mərtəbəlidir.